ე.წ. ციანიდის საქმის პროკურორ ზვიად გუბელაძის განცხადებით, პროკურატურაში მამა გიორგი მამალაძისთვის პატრიარქის მკვლელობის მომზადების აღიარება არავის უთხოვია.

როგორც მან ჟურნალისტებს განუცხადა, მამალაძის დაკითხვა ვიდეოჩანაწერზეა გადაღებული და ის ადვოკატებსაც აქვთ. პროკურორის მტკიცებით, გიორგი მამალაძე იტყუება:

"მსგავსი საუბარი პროკურორებსა და გიორგი მამალაძეს შორის არ ყოფილა.მისი დაკითხვა გადაღებულია ვიდეოჩანაწერზე, რომელიც აქვს დაცვის მხარეს, ბრალდების მხარეს და სასამართლოსაც.მხარეებმა, სასამართლომ კარგად იციან, რომ მსგავსი არც მუქარა, არც შეთავაზება გიორგი მამალაძის მიმართ არ განხორციელებულა. სწორედ ასეთ ფაქტებზე ვამბობთ, რომ ის აცხადებს ტყუილს და ცდილობს, ყოველთვის თავი წარმოაჩინოს მსხვერპლად",-აღნიშნა პროკურორმა ზვიად გუბელაძემ.

ე.წ. ციანიდის საქმეზე მსჯავრდებულ მამა გიორგი მამალაძის ადვოკატის მიხეილ რამიშვილის განცხადებით, დღევანდელ პროცესზე საკუთარ საბოლოო სიტყვაში დეკანოზმა ისაუბრა, თუ როგორ მოხდა მისი ე.წ. დაკავება, რა შემოთავაზება მიიღო დაკავების დღეს და საერთოდ ვინ მოაწყო მის წინააღმდეგ საქმე. კერძოდ, რამიშვილის განმარტებით, გიორგი მამალაძეს პატრიარქის მკვლელობის მომზადების აღიარებას სთხოვდნენ.

ე.წ. ციანიდის საქმეზე სააპელაციო სასამართლოს მოსამართლეთა კოლეგია გადაწყვეტილების მისაღებად გავიდა. უცნობია, რა დრო დასჭირდებათ მათ განაჩენის გამოსაცხადებლად. აღნიშნულის თაობაზე ადვოკატებს წინასწარ ეცნობებათ.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს