თბილისის საქალაქო სასამართლოში დემირელის კოლეჯის ხარისხის მართვის ყოფილი მენეჯერის მუსტაფა ემრე ჩაბუქის ექსტრადირების საკითხზე სასამართო პროცესი მიმდინარეობს.

სხდომას ჩაბუქის ოჯახის წევრები, დემირელის კოლეჯის პედაგოგები და სახალხო დამცველის წარმომადგენელი ესწრება.

ადვოკატ სოსო ბარათაშვილის განცხადებით, დღევანდელ პროცესზე დაცვის მხარე წარადგენს მყარ მტკიცებულებებს, რომელიც ასაბუთებს, რომ მუსტაფა ჩაბუქის თურქეთში ესქსტრადიცია დაუშვებელია, ვინაიდან მას იქ წამება მოელის.

ადვოკატის თქმით, იმ შემთხვევაში, თუ სასამართლო პროკურატურის პოზიციას მაინც გაიზიარებას, გადაწყვეტილებას ზემდგომ ინსტანციაში გაასაჩივრებენ.

„დღევანდელ პროცესზე თავდაპირველად სასამართლოც და ჩვენც მოვისმენთ პროკურატურის შუამდგომლობას, შემდეგ მოვითხოვთ გონივრულ ვადას შუამდგომლობის გასაცნობად, ვინაიდან ის ჯერ არ გადმოგვცემია. შემდეგ ვაპირებთ სასამართლოს წარვუდგინოთ ვრცელი წერილობითი  მოსაზრება თანდართულ მტკიცებულებებთან ერთად და დავასაბუთოთ ჩაბუქის თურქეთში ექსტრადირების დაუშვებლობა. ასევე ვაპირებთ სასამართლოს განვუმარტოთ, მრავალრიცხვოვან მტკიცებულებებზე დაყრდნობით, მათ შორის ევროკავშირის, ევროსაბჭოს, გაეროს სპეციალური მომხსენებელის, Human Rights Watch ის „ამნესტი ინტერნეიშენალის“, სახალხო დამცველის რეკომენდაციით, არასამთავრობო ორგანიზაციათა გამოკვლევების საფუძველზე, რომ ჩაბუქს მოელის წამება და არაადამიანური მოპყრობა თურქეთში, რომ შეუძლებელია განხორციელდეს სამართლიანი სასამართლო პროცესი, რომ ეს საქმე ატარებს პოლიტიკურ ხასიათს. იმ შემთხვევაში, თუ სასამართლო გაიზიარებს პროკურატურის პოზიციას, 7 დღის ვადაში გავასაჩივრებთ უზენაეს სასამართლოში და პარალელურად, ვაპირებთ მივმართოთ ადამიანის უფლებათა ევროპულ სასამართლოს, რათა გამოყენებული იქნას ევროპული სასამართლოს რეგლამენტის 39-ე წესი და შეჩერდეს საკითხის არსებით განხილვამდე მუსტაფა ემრე ჩაბუქის თურქეთში ექსტრადიცია“, - განაცხადა სოსო ბარათაშვილმა.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს