საქართველოს მთავარი პროკურორი ირაკლი შოთაძე მზად არის, კონტრტერორისტული სპეცოპერაციის შედეგად გარდაცვლილი თემირლან მაჩალიკაშვილის ოჯახის წევრებს შეხვდეს.

როგორც შოთაძემ ჟურნალისტებთან საუბარში აღნიშნა, საქმეზე გამჭვრივალე და ობიექტური გამოძიება მიმდინარეობს.

„მე ზოგადად ყველასთან ვარ მზად შეხვედრა მქონდეს. ჩვენ, ჩვენს საგამოძიებო დანაყოფში მაჩალიკაშვილის გარდაცვალებასთან დაკავშირებით, გამოძიებას გამჭვირვალედ ვატარებთ. ოჯახს და ოჯახის ადვოკატს აქვს სრული წვდომა გამოძიების მასალებთან და ისინი არიან ინფორმირებული გამოძიების მიმდინარეობის შესახებ", - განაცხადა ირაკლი შოთაძემ.

ჟურნალისტის კითხვას - დადგება თუ არა სპეცრაზმელის პასუხისმგებლობის საკითხი, მთავარმა პროკურორმა ასე უპასუხა: „ამ ეტაპზე მიმდინარეობს გამოძიება, რიგი საგამოძიებო მოქმედებები უკვე ჩატარებულია, საჭიროა სხვა საგამოძიებო მოქმედებების ჩატარება, დანიშნულია ექსპერტიზები და ველოდებით შედეგებს. გამოძიების შედეგების შესახებ საზოგადოებას მიეწოდება ინფორმაცია“.

ავტორი: ,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა