თბილისის სააპელაციო სასამართლოში დეკანოზ გიორგი მამალაძის საქმის განხილვა განახლდა.

დღევანდელ  პროცესზე  ბრალდების მხარე დასკვნით სიტყვას წარმოთქვამს.  დაცვის მხარე კი, დასკვნით სიტყვას სავარაუდოდ, 31 იანვარს იტყვის.

 პროკურატურა  საქმის გადაკვალიფიცირებას ითხოვს. კერძოდ, სახელმწიფო ბრალდებას სურს დეკანოზი  მამალაძე გასამართლდეს სსკ-ის 18-109-ე მუხლით, რომელიც განხზრახ მკვლელობის ანგარებით მომზადებას გულისხმობს.

 თბილისის საქალაქო სასამართლომ მამა გიორგი მამალაძე შურისძიების მოტივით   განზრახ მკვლელობის მომზადებაში სცნო დამნაშავედ. პროკურატურა ფაქტობრივ გარემოებებს დაეთანხმა, თუმცა მოტივის ნაწილში პირველი ინსტანციის გადაწყვეტილება აპელაციის წესით გაასაჩივრა.

მამა გიორგი მამალაძე სხდომის  დახურვის გამო,  პროტესტის ნიშნად პროცესებს არ ესწრება.

 ადვოკატის ინფორმაციით, ის არც საბოლოო სიტყვის თქმას აპირებს.

შეგახსენებთ, 2017 წლის 5 სექტემბერს საპატრიარქოს კარზე მომუშავე  დეკანოზი მამა გიორგი მამალაძე  პირველი ინსტანციის სასამართლომ პატრიარქის მდივან-რეფერენტ შორენა თეთრუაშვილის განზრახ მკვლელობის მომზადებასა და ცეცხლსასროლი იარაღის/საბრძოლო მასალის მართლსაწინააღმდეგო შეძენა-შენახვის ბრალდებაში დამნაშავედ სცნო და მას 9 წლით თავისუფლების აღკვეთა მიუსაჯა.

მამა გიორგი მამალაძე ბრალს არ აღიარებს.

ავტორი: ,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა