7 ათასი თანამშრომელი და 2 მილიონზე მეტი კლიენტი - ასე შეხვდა „თიბისი ბანკი“ დაარსებიდან 25 წლის იუბილეს.

„თიბისიმ“  საზოგადოებას 25 წლიანი საქმიანობის შესახებ ანგარიში  ჩააბარა.

შემაჯამებელი პრეზენტაცია 27 დეკემბერს, თიბისი გალერეაში გაიმართა.

ბანკის მენეჯმენტის წარმომადგენლებმა იმ მიღწევებზე და გამოწვევებზე ისაუბრეს, რაც ამ წლების განმავლობაში ბანკმა გამოაიარა, შეაჯამეს კორპორატიული სოციალური პასუხისმგებლობის ფარგლებში განხორციელებული პროექტები და საზოგადოებას მომავლის ხედვა გაუზიარეს. 

პრეზენტაციაზე ასევე წარმოდგენილი იყო სპეციალურად იუბილესთვის გამოცემული წიგნი „თიბისი 25“, რომელშიც ბანკის ისტორია დამოუკიდებელი საქართველოს ისტორიის პარალელურად არის მოთხრობილი.

წიგნში შესულია საარქივო ფოტომასალა და ყველა ის მნიშვნელოვანი მოვლენა, რომელიც დაარსების დღიდან თიბისი ბანკის ისტორიაში მომხდარა. 

1992 წელს დაარსებული ბანკის კაპიტალი 500 დოლარი იყო.

დღეს „თიბისი ბანკის“ კაპიტალი 2 მილიარდ ლარამდეა. 2014 წლიდან „თიბისის აქციები“ ივაჭრება ლონდონის საფონდო ბირჟაზე, 2016 წლიდან კი, ის საფონდო ბირჟის პრემიუმ სეგმენტშია, 2017 წლიდან „თიბისი“ არის ლონდონის საფონდო ბირჟის FTSE 250-ის ინდექსის წევრი, სადაც მსოფლიოს მასშტაბით, მხოლოდ 15 ბანკია წარმოდგენილი.

მნიშვნელოვანი რიცხვები „თიბისი ბანკის“  25 წლის თავზე:

1. 7000 თანამშრომელი
2. 2 მილიონზე მეტი კლიენტი
3. 38.6 % დეპოზიტების ბაზრის წილი
4. 12 მლრდ მთლიანი აქტივები ლარში
5. 3.6 მლრდ მოზიდული რესურსი ლარში
6. 4.1 მლრდ ბიზნესდაკრედიტება ლარში
7. 7.7 მლრდ მთლიანი საკრედიტო პორტფელი ლარში
8. ლონდონის საფონდო ბირჟის FTSE 250 -ის ინდექსის წევრი

(NS) 

ავტორი: ,

სოციალური ქსელები

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა

საია: ხოშტარია პოლიტპატიმარია, მისთვის ადეკვატური მკურნალობა უნდა იყოს უზრუნველყოფილი

ოპოზიციონერ ზვიად კუპრავას სასამართლომ 2 წლითა და 6 თვით თავისუფლების აღკვეთა მიუსაჯა

ხოშტარია - არ არსებობს მდგომარეობა, როდესაც რომელიმე „ქოცი“, ბიძინა ივანიშვილით დაწყებული პატარა ზარქუათი დამთავრებული მსხვერპლის როლში დამინახავს