ლევან ხაბეიშვილი: თუ ნიკოლოზ ჭონქაძეს უმრავლესობა მხარს დაუჭერს, მომავალი კვირიდან სასამართლო დავას დავიწყებთ

2017-11-17 17:27:50, 1938 ნახვა

კომენტარი

საკრებულოს ოპოზიცია უმრავლესობის მიერ თბილისის მერიის უსაფრთხოების სამსახურის უფროსის თანამდებობაზე ნიკოლოზ ჭონქაძის კანდიდატურის მხარდაჭერის შემთხვევაში, სასამართლოს მიმართავს.

ამის შესახებ საკრებულოს სხდომაზე ლევან ხაბეიშვილმა განაცხადა.

მისი თქმით, ნიკოლოზ ჭონქაძე გამოირჩევა სიძულვილის ენით და განსაკუთრებული აგრესიულობით ყველა იმ ადამიანის მიმართ, რომელიც განსხვავებულ აზრს გამოთქვამს.

"ყველა ადამიანი თანასწორია კანონის წინაშე, დისკრიმინაციის გარეშე. თუ ნიკოლოზ ჭონქაძეს მხარს დაუჭერთ, ამას სასამართლოში გავასაჩივრებთ",-განაცხადა ლევან ხაბეიშვილმა.

საკრებულოს დედაქალაქის მთავრობის ახალი წევრები დასამტკიცებლად წარედგინა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები