ბარსელონაში დამოუკიდებლობის მიღების მხარდასაჭერი აქცია მიმდინარეობს, - ამის შესახებ უცხოური მედია იუწყება.

კატალონიის პარლამენტის შენობის მიმდებარე ტერიტორიაზე ათასობით ადამიანია გამოსული. ისინი დამოუკიდებლობის შესახებ რეზოლუციის მიღებას ზეიმობენ.

ცნობისთვის, კატალონიის პარლამენტმა ფარული კენჭისყრა ჩაატარა, რა დროსაც 72 დეპუტატმა დამოუკიდებლობის შესახებ რეზოლუციის მიღებას მხარი დაუჭირა.

მოგვიანებით ესპანეთის სენატმა კონსტიტუციის 155-ე მუხლი, რომელიც ავტონომიის ჩამორთმევას გულისხმობს, აამოქმედა.

შეგახსენებთ, რომ კატალონიაში ე.წ. რეფერენდუმი 1 ოქტომბერს ჩატარდა. მასში მონაწილეობა 2 მილიონზე მეტმა ადამიანმა მიიღო. წინასწარი მონაცემებით, ესპანეთიდან გამოყოფას ამომრჩევლების 90%-მა დაუჭირა მხარი. ამასთან, ე.წ. რეფერენდუმი დაძაბულ ვითარებაში, შეტაკებების ფონზე წარიმართა. მომხდარი შეტაკების შედეგად, დაშავებულთა რიცხვი 893 შეადგენს, მათ შორის არიან სამართალდამცველებიც. კატალონიის რეგიონალურმა ხელისუფლებამ 2,300 საარჩევნო უბნის გახსნა მოახერხა, საიდანაც პოლიციამ 400-მდე საარჩევნო უბანი დახურა. ოფიციალური მადრიდი, ისევე როგორც ევროკავშირი პლებისციტს არ აღიარებენ და არაკანონიერს უწოდებენ. ამასთან, 10 ოქტომბერს კატალონიის მეთაურმა კარლეს პუჩდემონმა რეგიონის ე.წ. დამოუკიდებლობის დეკლარაციას ხელი მოაწერა.

ავტორი: ,

სოციალური ქსელები

ტრამპმა გამოაცხადა, რომ აშშ მზადაა ვენესუელაში მიწისძვრის გამო დახმარება გაუწიოს

ვენესუელაში მიწისძვრის ორი სერია მოხდა - 7.2 და 7.5 მაგნიტუდის სიმძლავრის, არიან დაღუპულები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა