ქარიშხალმა „მარიამ“ დომინიკის რესპუბლიკაში სულ მცირე 30 ადამიანის სიცოცხლე იმსხვერპლა, - ამის შესახებ TelesurTv იუწყება.

მედია საშუალების ინფორმაციით, ქარისხალის გამო სახლების 90%-ს სახურავი არ აქვს, ხოლო მთლიანად კუნძული პარალიზებულია.

როგორც მედია იტყობინება, 23 ათასი ბავშვი დაუცველ მდგომაროებაში იმყოფება.

ქარიშხალმა ქვეყნის პრემიერ-მინისტრის რუზველტ სკერიტის რეზიდენციაც დააზიანა.

მედია საშუალების ცნობით, ქარის სიჩქარე 250 კილომეტრ საათს აღწევს. მეხუთე კატეგორიის ქარიშხალი "მარია" ახლა ვირჯინიის კუნძულებსა და პუერტო-რიკოს დაატყდა თავს, სადაც საგანგებო მდგომარეობაა გამოცხადებული.

„მარიას“ კი ტროპიკული შტორმი „ლი“ მოსდევს, რომელიც ასევე კარიბის კუნძულებს ემუქრება. ატლანტის ოკეანეში ამჟამად კიდევ ერთი ქარიშხალი „ხოსე" მძვინვარებს.

ცნობისთვის, ბოლო 1 თვის განმავლობაში ამერიკასა და კარიბის აუზის კუნძულებს რამდენიმე ქარიშხალი დაატყდა თავს. პირველი ქარიშხალი "ჰარვი" ტეხასსა და ლუიზიანაში მძვინვარებდა, მას მოჰყვა ქარიშხალი "ირმა" და "ხოსე". სამივე ქარიშხალი 5 კატეგორიამდე იყო ასული. პრობლემები შექმნა ქარიშხალმა "კატიამ". სტიქიების შედეგად გაჩენილი ზარალი ასობით მილიარდ დოლარს შეადგენს. საერთო ჯამში 100-მდე ადამიანი დაიღუპა, ასობით ათაში კი, უსახლკაროდ დარჩა.

ავტორი: ,

სოციალური ქსელები

რა წერია საქართველოს შესახებ PACE-ს რეზოლუციაში - სრულად

გენერალური პროკურორი: ექიმ ჩახუნაშვილს არჩევანი აქვს: აღიაროს დანაშაული და მოინანიოს

35 წლის ნინო მუჯირი პირველ სამშობიარო სახლში გარდაიცვალა, ოჯახი პერსონალის დასჯას ითხოვს

პესკოვი: ჯერ კიდევ გაურკვეველია, თუ რას უხელმძღვანელებს ცხინვალის „ყოფილი ლიდერი“