პროექტის „საჯარო ბიბლიოთეკები ადგილობრივი განვითარებისათვის“ მეორე ფაზის შემაჯამებელი შეხვედრა სასტუმრო „რუმსში“ გაიმართა.

შეხვედრას სახელმწიფო სერვისების განვითარების სააგენტოს წარმომადგენლები, ბიბლიოთეკარები და დონორი ორგანიზაციის წევრები დაესწრნენ.

„საჯარო ბიბლიოთეკები ადგილობრივი განვითარებისათვის“ 2016 წლის იანვრიდან ხორციელდება.

პროექტის ფარგლებში, საზოგადოებრივი ცენტრის ბაზაზე დაარსდა ფოკის, ვალეს, ბიბლიოთეკები, ასევე მიმდინარეობს ბაკურიანისა და ფასანაურის ბიბლიოთეკების მშენებლობა/რეკონსტრუქცია. პარალელურად, 10 სოფლის და დაბის ბიბლიოთეკას კომპიუტერული ტექნიკა გადაეცა, პროექტში ჩართულმა ბიბლიოთეკარებმა გაიარეს გადამზადება იმ მიმართულებებით, რაც თანამედროვე საბიბლიოთეკო მართვისთვისაა აუცილებელი. სახელმწიფო სერვისების განვითარების სააგენტომ მიმდინარე პროექტის განხორციელებაში ნახევარ მილიონ დოლარზე მეტი ინვესტიცია ჩადო, კერძოდ - მშენებლობებში, ავეჯით და ნაწილობრივ ტექნიკით უზრუნველყოფაში.

პროექტის „საჯარო ბიბლიოთეკები ადგილობრივი განვითარებისთვის“ პირველი ფაზა 2014 წლის მარტში დაიწყო, რომლის ფარგლებშიც აშენდა ხიდისთავისა და ნუკრიანის ბიბლიოთეკები. ზუგდიდის ცენტრალური და ხულოს მუნიციპალური ბიბლიოთეკები კი სრულად გარემონტდა, უახლესი ტექნიკით და უფასო ინტერნეტით აღიჭურვა.

ბიბლიოთეკები წიგნის მოყვარულებს თანამედროვე გარემოს სთავაზობს. სივრცე უახლესი ტექნიკითა და ინტერნეტითაა აღჭურვილი, ინტერიერი ისეა მოწყობილი, რომ მკითხველმა თავი მყუდროდ და კომფორტულად იგრძნოს; რბილი, ფერადი სავარძლები, მოხერხებული მაგიდები და წიგნის ღია სტელაჟები ყველა ასაკის წიგნის მოყვარულს უქმნის კითხვისათვის სასურველ გარემოს; საინტერესო ლიტერატურის მოძიება ნებისმიერი გემოვნების მკითხველს შეუძლია, რადგან სამკითხველოები ახალგამოცემული წიგნებით სისტემატურად მარაგდება; ტარდება ტრენინგი ბიბლიოთეკარებისათვის, რაც მათ საშუალებას მისცემს, დამოუკიდებლად მიმართონ საპროექტო განაცხადებით მუნიციპალიტეტს და მომხმარებელთა გაზრდილი რაოდენობის მიუხედავად, ბიბლიოთეკაში არსებული IT ინფრასტრუქტურის ეფექტური მენეჯმენტი განახორციელონ.

„საჯარო ბიბლიოთეკები ადგილობრივი განვითარებისათვის“ მეორე ფაზა სახელმწიფო სერვისების განვითარების სააგენტოს, საერთაშორისო კვლევისა და გაცვლების საბჭოს (IREX) Beyond Access პროგრამის აქტიური მხარდაჭერით და საქართველოს საბიბლიოთეკო ასოციაციასთან თანამშრომლობით განხორციელდა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე