ადგილობრივ თვითმმართველობებში ელექტრონული მმართველობის დანერგვის საკითხებზე დღეს სასტუმრო „ქორთიარდ მარიოტში“ სამუშაო შეხვედრა გაიმართა.

შეხვედრას სახელმწიფო სერვისების განვითარების სააგენტოს თავმჯდომარე, სოსო გიორგაძე, გერმანიის საერთაშორისო თანამშრომლობის საზოგადოების (GIZ) წევრები და რეგიონული განვითარების სამინისტროს წარმომადგენლები ესწრებოდნენ. სამუშაო შეხვედრა საერთაშორისო თანამშრომლობის საზოგადოების (GIZ) ორგანიზებით მოეწყო. ღონისძიებაზე განიხილეს ადგილობრივ თვითმმართველობებში ელექტრონული მმართველობის დანერგვის საკითხები და ის სირთულეები, რომლებიც პროცესის წინსვლას აფერხებენ.

სახელმწიფო სერვისების განვითარების სააგენტო 2011 წლიდან აქტიურად მუშაობს ადგილობრივ თვითმმართველობებში ელექტრონული მმართველობის დანერგვის საკითხებზე. შემუშავდა პროგრამული უზრუნველყოფა მუნიციპალიტეტებში ელექტრონული მმათველობის დანერგვის პროექტის განსახორციელებლად.

დღეის მდგომარეობით, „მუნიციპალიტეტების მართვის სისტემა“ დანერგილია და 47 მუნიციპალიტეტში ფუნქციონირებს.

შეხვედრის დასასრულს მხარეებმა მოწვეული სტუმრების კითხვებს უპასუხეს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”