საგარეო საქმეთა მინისტრის, მიხეილ ჯანელიძის განცხადებით, კონგოში დატყვევებული ყოფილი სამხედრო პირის, სოსო ოსურაულის გასათავისუფლებლად მუშაობა ყველა მიმართულებით აქტიურად მიმდინარეობს.

როგორც ჯანელიძემ ჟურნალისტებს განუცხადა, სხვა დეტალებზე ამ დროისთვის ვერ ისაუბრებს.

„ამ საკითხზე ჩვენ ვმუშაობთ ყველა მიმართულებით. როგორც ჩვენი საელჩო ასევე ჩვენი წარმომადგენლობა გაეროში. ჩვენ აქტიურად ვაწარმოებთ დიპლომატიურ კონტაქტებს იმისთვის, რათა მოხდეს ამ პირის გათავისუფლება და შესაბამისი გზების მოძიება ამისათვის. პროცესი მიმდინარეობს. დეტალებზე ვერ ვისაუბრებ“, - აღნიშნა მინისტრმა.

შეგახსენებთ, კონგოში ოპოზიციური დაჯგუფების წევრებმა ორი ვერტმფრენი ჩამოაგდეს. მათგან ერთ-ერთს საქართველოს მოქალაქე სოსო ოსურაული მართავდა, რომელიც ამ დროისთვის დატყვევებულია. ინციდენტის შედეგად დაშავდა საქართველოს კიდევ ერთი მოქალაქე, თუმცა იგი სამშვიდობოზეა და მკურნალობას აღმოსავლეთ კონგოს ქალაქ გომაში გადის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა.

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია

სატვირთოს მძღოლი, რომელიც რკინის კონსტრუქციებში მოყვა, დაიღუპა

პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები