ევროპარლამენტის წევრ ანდრეს მამიკინსის განცხადებით, უვიზო რეჟიმის ამოქმედება ევროკავშირთან დაახლოების გზაზე კიდევ ერთი გადადგმული ნაბიჯია.

როგორც მამიკინსმა ბრიუსელში ქართველ ჟურნალისტებს ხელმოწერის ცერემონიის დაწყებამდე განუცხადა, 2019 წელს ევროკომისიას ახალი პრეზიდენტი ეყოლება და შესაძლოა ევროკავშირში საქართველოს გაწევრიანების პერსპექტივის თვალსაზრისითაც პოზიტიური ნაბიჯები გადაიდგას.

"ვულოცავ საქართველოს და ქართველ ხალხს. ეს ევროკავშირთან დაახლოების გზაზე კიდევ ერთი გადადგმული ნაბიჯია. ჩემი აზრით, ხალხთან შორის ურთიერთობა ვაჭრობის სფეროსთვის დიდი სტიმულია. გარდა ამისა, მას მნიშვნელობა აქვს საერთაშორისო ურთიერთობების განვითარების თვალსაზრისითაც. ერთი სიტყვით, ეს ევროკავშირის და საქართველოსთვისაც ძალიან მნიშვნელოვანი გზავნილია. თუ მეკითხებით, ევროკავშირში საქართველოს გაწევრიანების პერსპექტივაზე, ვიცი, რომ ეს ქართული მედიისთვის ნომერ პირველი საკითხია, შეგახსენებთ ჟან კლოდ იუნკერის წერილობით განცხადებას, რომ მისი პრეზიდენტობის ვადაში გაფართოება არ იგეგმება, მაგრამ იუნკერმა გერმანულ მედიასთან ინტერვიუში განაცხადა, რომ უკვე მიღწეული შედეგი სავსებით დამაკმაყოფილებელია. 2019 წელს ევროკომისიას ახალი პრეზიდენტი ეყოლება და შესაძლოა ევროკავშირის გაფართოების მიმართულებით სრულიად ახალი ვექტორი ვიხილოთ", - განაცხადა მამიკინსმა.

ცნობისთვის, რომ საქართველოს მოქალაქეებისთვის უვიზო მიმოსვლის შემოღებასთან დაკავშირებული რეგულაციის ხელმოწერის ცერემონია ევროპარლამენტში დღეს გაიმართება. უვიზო მიმოსვლის თაობაზე დოკუმენტის ხელმოწერის ცერემონია თბილისის დროით 17:00 საათზე გაიმართება, ხოლო საქართველოს მოქალაქეები ევროპაში უვიზოდ მოგზაურობას 28 მარტიდან შეძლებენ.

შეგახსენებთ, რომ ევროპარლამენტმა საქართველოსთვის ვიზალიბერალიზაციას 2 თებერვალს ხმათა უმრავლესობით მხარი დაუჭირა. ევროპული პარლამენტის 553 დეპუტატმა უვიზო მიმოსვლას მხარი დაუჭირა, 66 კი წინააღმდეგი იყო. საბოლოო ცვლილება რეგულაციაში, რომელიც საქართველოს მოქალაქეებისთვის ევროკავშირის წევრ ქვეყნებში უვიზო მიმოსვლის შემოღებას ითვალისწინებს, ევროსაბჭომ 27 თებერვალს დაამტკიცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია

სატვირთოს მძღოლი, რომელიც რკინის კონსტრუქციებში მოყვა, დაიღუპა

პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები