ჭიდაობის ეროვნულ ფედერაციაში დღეს რუსეთში, ასევე უკრაინასა და ირანში ჩატარებული საერთაშორისო ტურნირების  ჩემპიონი და პრიზიორი სპორტსმენების მიღების ცერემონიალი გაიმართა.

სპორტსმენები და ფედერაციის ახლად არჩეული პრეზიდენტი გეგა გეგეშიძე მედიის წარმომადგენლებს შეხვდნენ და აღნიშნული გამარჯვებების შესახებ დეტალური ინფორმაცია მიაწოდეს. მოსკოვში „ივან პოდუბნის“ სახელობის საერთაშორისო გრან-პრიზე,სადაც 11 ქვეყნის რჩეული ნაკრები მონაწილოეობდა საქართველოს ბერძნულ-რომაული სტილით მოჭიდავეთა ნაკრებმა 1 ოქროს და 1 ვერცხლის მედალი მოიპოვა. ევროპის მოქმედმა ჩემპიონმა ზურაბ დათუნაშვილმა 4 რუსი მეტოქის დამარცხების შედეგად, 80 კგ კატეგორიაში გაიმარჯვა.ვერცხლის მედალს კი,85 კგ წონით კატეგორიაში ევროპის ვიცე-ჩემპიონი რობერტ კობლიაშვილი დაეუფლა.

18-20 იანვარს ირანში გამართულ „ტახტის თასზე“, რომელიც ერთ-ერთი უმნიშვნელოვანესი საერთაშორისო გუნდური ტურნირია საქართველოს ბერძნულ-რომაული სტილით ნაკრებმა მეორე საპრიზო ადგილი მოიპოვა. ჯგუფურ ეტაპზე ჩვენი ქვეყნის ნაკრებმა ირანის „ხორასან რაზავი“ 5-3 და ერაყის ნაკრების 7-1 დაამარცხა, ნახევარფინალურ დაპირისპირებაში თურქეთის ნაკრებს სძლია 6-2, ხოლო ფინალური დაპირისპირება ირანის პირველ ნაკრებთან დათმო და ვერცხლის მედალი მოიპოვა.გუნდს ოთარ ტატიშვილი და ზაზა ჯიბლაძე ხელმძღვანელობდნენ.

19-20 იანვარს ხარკოვში გამართულ ლეონიდ დუნაის ხსნოვისადმი მიძღვნილ საერთაშორისო ტურნირზე საქართველოს თავისუფალი სტილით მოჭიდავეთა ჭაბუკთა ნაკრებმა ჯამში 12 მედალი,4 ოქრო, 4 ვერცხლი და 4 ბრინჯაო მოიპოვა. ტურნირის ჩემპიონები გიორგი ჭოლაძე (42), თორნიკე ქათამაძე (58), გიორგი ელბაქიძე (63) და ელგუჯა ბალანჩივაძე (100) გახდნენ. ვერცხლის მედლები გიორგი გეგელაშვილს (46), ბაჩუკი ქვლივიძეს (50), ბაგრატი გაგნიძეს (69) და აკაკი გოგსაძეს (76) ხვდა წილად, ხოლო მესამე საპრიზო ადგილები ლუკა ქარჩხაძემ (50), ვლადიმერ გამყრელიძემ (54), ლუკა მარიამიძემ (63) და გივი გოგობერიშვილმა (85) დაიკავეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა