დემირელის სახელობის კოლეჯს ამერიკის შეერთებული შტატების  საელჩოს წარმომადგენლები ეწვივნენ. 

საპატიო სტუმრებმა  რაიან კოენიგმა და  მედიკო ქოჩორაძემ  სკოლის ადმინისტრაციასთან საქმიანი შეხვედრა გამართეს, კოლეჯის ახალი შენობა დაათვალიერეს და პირადად გაეცნენ სასწავლო პროცესსა და სკოლის მოსწავლეებს. 

შეხვედრის ფარგლებში სტუმრებს საშუალება ჰქონდათ დეტალურად გაცნობოდნენ კოლეჯის მრავალწლიან ისტორიასა და  წარმატებებს. 

სტუმრებზე  განსაკუთრებული შთაბეჭდილება მოახდინეს ნორჩმა გამომგონებლებმა  რომლებმაც სტუმრებს საკუთარი გამოგონებები რობოტიკსის კლუბში წარუდგინეს. 

როგორც სკოლის დირექტორმა ნინო კავთიაშვილმა აღნიშნა, კოლეჯისთვის დიდი პატივია ამერიკის საელჩოს წარმომადგენლების ვიზიტი. 

"გვიხარია, რომ სტუმრებმა მხარდაჭერა გამოხატეს და დაინტერესდნენ სკოლაში მიმდინარე პროცესებით. სტუმრები დიდი ინტერესით გაეცნენ ჩვენი სკოლის მიღწევებსა და მრავალწლიან გამოცდილებას. გვჯერა დიპლიმატიური კორპუსისა და ზოგადად საერთაშოსირო ორგანიზაციების მხარდაჭერა მხოლოდ სასიკეთო როლს შეასრულებს ჩვენი კოლეჯის შემდგომ წინსვლაში.“- განაცხადა შეხვედრის დასასრულს  ნინო კავთიაშვილმა.

შეხვედრის ბოლოს  რაიან კოენიგმა საკუთარი შთაბეჭდილება კოლეჯის შთაბეჭდილებების წიგნშიც დატოვა და მასპინძლებს მომავალ ვიზიტამდე დაემშვიდობა.

ცნობისთვის, დემირელის სახელობის კოლეჯი 23 წლის წინ დაფუძნდა. წლების განმავლობაში კოლეჯმა აღზარდა არაერთი წარმატებული მოსწავლე. 

სკოლის მიზანია აღზარდოს ჯანსაღი, წიგნიერი, ანალიტიკურად მოაზროვნე, თავისუფალი, ეროვნული და საკაცობრიო ღირებულებების მატარებელი, მოტივირებული და ცოდნის ეფექტურად გამოყენების უნარის მქონე ახალგაზრდები, შეუქმნას მოსწავლეებს ყველა პირობა, რომ შეძლონ საკუთარი შესაძლებლობის მაქსიმუმის გამოვლენა და რეალიზება. 

დღესდღეობით კოლეჯში 7 სხვადასხვა ეროვნების, 500-მდე მოსწავლე იღებს განათლებას.

 მულტიკულტურული გარემო, რომელშიც კოლეჯის მოსწავლეები იზრდებიან ხელს უწყობს აღზარდოს დემოკრატიულ ფასეულობების მატარებელი მსოფლიო მოქალაქეები, რომლებსაც საქართველოს სახელი საერთაშორისო ასპარეზზე გააქვთ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შიო III პრორუსული პარტიის ლიდერს ზურა მახარაძეს შეხვდა

თბილისში ყაჩაღობა მოხდა

უგულშემატკივრე ქართველ კალათბურთელებს მსოფლიო ჩემპიონატის შესარჩევ ეტაპზე | საქართველოს ბანკი - ეროვნული საკალათბურთო ნაკრების გენერალური სპონსორი

ევროპარლამენტი: მკაფიო გზავნილი საქართველოს და თურქეთს - რეფორმების გარეშე წინ ვერ წახვალთ