2016-10-22 12:20:15, 887 ნახვა
პოლიტიკა
ჯიხაშკარის #79-ე უბანზე მცირე ინციდენტს ჰქონდა ადგილი
ჯიხაშკარის, #79-ე უბანზე მცირე ინციდენტს ჰქონდა ადგილი.
როგორც "თავისუფლებისა და თანასწორობის ცენტრის" წარმომადგენელმა დარეჯან ცხვიტარიამ განაცხადა, უბნის მიმდებარე ტერიტორიაზე გაურკვეველი ადამიანები კონკრეტული პარტიის აგიტაციას ეწევიან.
ცხვიტარიას ინფორმაციით, უბანთან მისულ ამომრჩეველს რამდენიმე ადამიანი ხვდება და "ქართული ოცნების" მხარდაჭერას სთხოვს.
ამასთან, დარეჯან ცხვიტარიას, არასამთამვრობო ორგანიზაციის "ყველა ერთად" წარმომადგენელი როლანდ შონია გამოეხმაურა.
შონიას თქმით, უბანთან ნებისმიერ ადამიანს შეუძლია, კონკრეტული პარტიის აგიტაცია განახორციელოს, რადგან ეს კანონდარღვევად არ ითვლება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
