თბილისის მერმა დავით ნარმანიამ, თბილისის საკრებულოს თავმჯდომარესთან გიორგი ალიბეგაშვილთან და ვაკის რაიონის გამგებელ ნოდარ ტურძელაძესთან ერთად, სანდრო გირგვლიანის დედის, ირინა ენუქიძის მემორიალური დაფა გახსნა.

თბილისის მერიის ინფორმაციით, მემორიალური დაფა, ირინა ენუქიძის საცხოვრებელ სახლთან, კეკელიძის 16 ნომერში გაიხსნა.

მათივე ინფორმაციით, სანდრო გირგვლიანის დედის სახლთან მისი ოჯახის წევრები, მეგობრები და თანამოაზრეები შეიკრიბნენ, რომელთაც დავით ნარმანიამ სიტყვით მიმართა. თბილისის მერმა ირინა ენუქიძის ღვაწლზე ისაუბრა.

ნარმანიას თქმით, მნიშვნელოვანია, ყველამ იცოდეს, რომ ამ ქალბატონმა თავი სამართლიანობისთვის ბრძოლას შესწირა.

„ასეთი მემორიალური დაფა ქალაქში სხვაგან არსად გვაქვს, ვინაიდან  ეს არის განსაკუთრებული ბრძოლის სიმბოლო. ეს არის განსაკუთრებული თავგანწირვისა და  სამართლიანობის სიმბოლო. მნიშვნელოვანია ის, რომ ყველამ იცოდეს იმ თავგანწირვისა და სამართლიანობისთვის ბრძოლის შესახებ, რასაც  ქალბატონი ირინა ემსახურა და რასაც მან საკუთარი სიცოცხლე შესწირა,“ - განაცხადა ნარმანიამ. 

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს