"აშშ მიესალმება იმ დინამიკას და განვითარებას, რომელსაც დღეს საქართველოში აქვს ადგილი" - ამის შესახებ საქართველოში ამერიკის შეერთებული შტატების ელჩმა, იან კელიმ განაცხადა.

კელის განცხადებით, ამერიკის შეერთებული შტატები და ამერიკის მთავრობა, ასევე ტექნოლოგიური სექტორი ამ პროექტის [სტარტაპ საქართველო] მხარდაჭერას გააგრძელებს.

”ბევრმა თქვენგანმა იცის ალბათ აშშ-ის სახელმწიფო მდივნის, ჯონ კერის ვიზიტის ძირითადი მიზნები საქართველოში. პირველ რიგში ეს იყო შეხვედრა პრემიერთან და ასევე შეხვედრა მოვაწყვეთ 10 ახალგაზრდა მეწარმესთან. ეს იმიტომ მოხდა, რომ ეს მნიშვნელოვანია მისთვის, რადგანაც აღიარებს იმ ფაქტს, რომ სწორედ ეს მეწარმეები წარმოადგენენ დინამიურ ძალას ახალგაზრდა თაობისას საქართველოსი, რადგან ფოკუსირებული არიან ქვეყნის მომავალზე და ასევე ტექნოლოგიური საზოგადოების შექმნაზე საზღვრების გარეშე იმ რეგიონში, სადაც ამდენი ქვეყანა ცდილობს, რომ საზღვრები შეუქმნას ხელოვნურად ქვეყანას, შექმნას ხელოვნური ბარიერები ხალხს შორის. მე ვფიქრობ ასეთი საზოგადოება ცდილობს ინტეგრირებას მსოფლიო საზოგადოებაში”, - განაცხადა იან კელიმ. 

ცნობისთვის, პროგრამა ”სტარტაპ საქართველო” საქართველოს მთავრობის 4-პუნქტიანი გეგმის ფარგლებში ხორციელდება. პროექტს ახორციელებენ საქართველოს ინოვაციებისა და ტექნოლოგიების სააგენტო და საპარტნიორო ფონდი. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინული რაკეტები ამჟამად რუსეთის რეგიონების ნახევარზე მეტს აღწევენ

Bloomberg: რუსეთის უმდიდრესი ადამიანების ქონება წლის დასაწყისიდან 4.82 მილიარდი დოლარით გაიზარდა

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ