საპარლამენტო უმცირესობის წევრი დავით დარჩიაშვილი „ექსპრესნიუსთან“ საუბრისას საპარლამენტო უმრავლესობის წევრს გია ვოლსკის პასუხობს და აცხადებს, რომ GFK-ს კვლევები სოციოლოგებმა უნდა შეაფასონ და ამ მხრივ არასდროს არავის პრეტენზია არ გამოუთქვამს.

„გია ვოლსკი დაკავებულია მცდელობით, რომ თამაშის წაგების დროს გაღიმებული გამომეტყველება მიიღოს. ზოგადად, კვლევებს სოციოლოგები და სამეცნიერო წრეების წარმომადგენლები აფასებენ. ამ მხრივ, არასდროს არავის პროტესტი არ გამოუთქვამს. ჩვენ მომავალ არჩევნებში გამარჯვების მოლოდინი გვაქვს და ქვეყანაში მატყუარებისა და ფარისევლების ხელისუფლება უნდა დამთავრდეს“, - განაცხადა დარჩიაშვილმა.

შეგახსენებთ, რომ გერმანულმა კომპანია GFK-მ რუსთავი 2-ის დაკვეთით მორიგი სოციოლოგიური კვლევის შედეგები წარმოადგინა. 

კვლევის  შედეგად,  პარტიულ რეიტინგში "ქართულ ოცნებას" 35.9 % აქვს,  ერთიანი ნაციონალური მოძრაობა-34.2%,  სახელმწიფო ხალხისთვის - პაატა ბურჭულაძე 9.8%,  ლეიბორისტული პარტია 5.4%, თავისუფალი დემოკრატები - ირაკლი ალასანია 4.5%,  პატრიოტთა ალიანსი - ირმა ინაშვილი 2.4 %, ნინო ბურჯანაძე - დემოკრატიული მოძრაობა 2.2%,  რესპუბლიკური პარტია 0.7 %,  პოლიტიკური ცენტრი გირჩი 0.5%, ახალი საქართველო - გიორგი ვაშაძე 0.5%.

გია ვოლსკის განცხადებით კი, GFK-ს კვლევებს არჩევნების შემდეგ „ნაციონალურ მოძრაობა“ პროტესტისთვის გამოიყენებს და ეს შედეგები რეალობას არ შეესაბამება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ

2026 წლის I კვარტალში ევროკავშირი საქართველოს 2 060 მოქალაქეს დაატოვებინეს

თბილისი შეაფასებს ქალაქის მცხეთასთან,რუსთავისთან და აეროპორტთან რკინიგზით დაკავშირების შესაძლებლობას

N339 და N385 მარშრუტებზე მოძრავი 12-მეტრიანი ავტობუსები 4 ივლისიდან 18-მეტრიანი ავტობუსებით ჩანაცვლდება