ქორწინების საკითხზე რეფერენდუმის ჩატარების საინიციატივო ჯგუფი გიორგი მარგველაშვილის გადადგომის მოთხოვნით ხელმოწერების შეგროვებას იწყებს. 

როგორც პარტია "თამაზ მეჭიაური-ერთიანი საქართველოსთვის" ერთ-ერთმა ლიდერმა სანდრო ბრეგაძემ "ექსპრესნიუსს" განუცხადა, ისინი პრეზიდენტის იმპიჩმენტის მოთხოვნით ხელმოწერების შეგროვებას იწყებენ, რადგან ქვეყნის პირველი პირი იღებს გადაწყვეტილებებს, რომლებიც ქართველობას და ქართულ სახელმწიფოებრიობას ვნებს.

"გუშინ პრეზიდენტმა ლეგიტიმაციის გარეშე დააყენა თავისი თავი, როდესაც ნახევარი მილიონი მოქალაქის წინააღმდეგ წავიდა. ამიტომ პრეზიდენტი, რომელიც ემორჩილება არა ქართველი ერის ნებას, არამედ ანტიქართულ იდეებს უნდა გადადგეს. 

ამ ადამიანმა ერთი ხმაც კი არ მიიღო, თავისი ოჯახის წევრების გარდა. ჩვენ მისი გადადგომის მოთხოვნას დღისწესრიგში აუცილებლად დავაყენებთ. დღეს 5 საათზე ჩატარდება საგანგებო ბრიფინგი, სადაც ჩვენ გამოვაცხადებთ გადაწყვეტილებას საპროტესტო აქციებთან და იმ სამართლებრივ მექანიზმებთან დაკავშირებით, რომლებიც პრეზიდენტის იმპიჩმენტის პროცედურას უზრუნველყოფს", - განაცხადა სანდრო ბრეგაძემ.

მოძრაობა ”ეროვნულების” ლიდერის თქმით, მათ ნახევარი მილიონი ხელმოწერა უკვე შეაგროვეს.

შეგახსენებთ, რომ პრეზიდენტმა ქორწინების საკითხზე რეფერენდუმის ჩატარებასთან დაკავშირებით საინიციატივო ჯგუფის მოთხოვნა არ გაიზიარა და რეფერენდუმის დანიშვნაზე უარი განაცხადა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ

2026 წლის I კვარტალში ევროკავშირი საქართველოს 2 060 მოქალაქეს დაატოვებინეს