თეოლოგი გიორგი გვასალია საპატრიარქოს ტელევიზიის მიერ გავრცელებულ ვიდეორგოლს ეხმაურება.

როგორც გვასალიამ „ექსპრესნიუსთან“ საუბრისას აღნიშნა, ვიდეორგოლში ადამიანები ცხოველებთან არ არიან შედარებული, „არამედ უფლისგან დაშორებული არსება ვერ კვებას ცხოველისგან განმასხვავებელ ნიშანს - გონებას“.

„საპატრიარქოს ტელევიზიით გავრცელებულ ვიდეორგოლში ადამიანები ცხოველებთან არ არიან შედარებულები. საუბარია იმაზე, რომ ადამიანი, როგორც გონიერი არსება, მიდრეკილია უფლისაკენ და მისგან დაშორებული ვერ კვებას ცხოველისგან განმასხვავებელ ნიშანს - გონებას. ადამიანი, რომელიც ღვთის მადლით არ იკვებება, მიდრეკილია ისეთი საქმეებისაკენ, რომელიც ადამიანის ღირსებას შეურაცხყოფს. ადამიანები ცხოველს კი არ შეადარეს, ამის შედარება უნდათ იმ ადამიანებს, რომლებიც ღვთისაგან გამიჯნულნი არიან და სულიწმინდის მადლისაგან დაცილებულები ეკლესიის წინააღმდეგ ბორგავენ. პირუტყვს არავინ არავის არ ადარებს. არ შეიძლება პირუტყვს შეადარო ადამიანი, რომელიც თავის გონიერებას ინარჩუნებს იმ შემთხვევაშიც თუ ის, სამწუხაროდ, ჯოჯოხეთში მოხვდება. ადამიანს გონიერება არასდროს წაერთმევა. ვიდეორგოლში საუბარი იმაზე თუ რა შეიძლება ადამიანს სულიწმინდის მადლის დაცლის შემდეგ შეიძლება მოუვიდეს“, - აცხადებს გვასალია.

შეგახსენებთ, რომ საპატრიარქოს ტელევიზია „ერთსულოვნებამ“ ვიდეორგოლი სახელწოდებით „რატომ არ ვართ ეკლესიაში“ გაავრცელა, სადაც ნათქვამია, რომ ადამიანები თუ ეკლესიაში არ დადიან, ისინი ცხოველებს ემსგავსებიან.

„მთელი კვირის განმავლობაში ადამიანი, როგორც ცხოველი, მუდმივად დაკავებულია საკვების მოპოვებით, მუშაობს, რომ გამოკვებოს საკუთარი თავიც და ოჯახიც. ადამიანს სძინავს, სძინავს მხეცსაც. ადამიანი ისვენებს და დასვენება ოთხფეხასაც ჭირდება. მაშ რა განსხვავებაა? განსხვავება ჩანს კვირა დღეს - ადამიანი მიდის ტაძარში და იქ წარსდგება ღვთის წინაშე, რასაც ცხოველი არ აკეთებს. ვინც არ დადის ეკლესიაში ეშვება ცხოველური ცხოველის წესამდე, ველურდება და ცხოველად იქცევა“, - ნათქვამია ვიდეორგოლში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს