დავით ნარმანია  „შაჰტახტის დედაციხის“ მონაკვეთზე მიმდინარე არქეოლოგიურ სამუშაოებს არქეოლოგიური საბჭოს  წევრებთან ერთად გაეცნო. „დედაციხის“  მიმდებარედ  არქეოლოგიური კვლევის  მეორე ეტაპი დღეს  დასრულდება.  

თბილისის მერიის ინფორმაციით, ჩატარებული გათხრების  შედეგად უკვე აღმოჩენილია XI-XII საუკუნის სამეურნეო ნაგებობები, თონე და ქვევრები.

როგორც თბილისის მერმა განაცხადა, უკვე ჩატარებული არქეოლოგიური გათხრების გარდა, მიმდინარე წლის შემოდგომაზე დაგეგმილია, ასევე, ნარიყალას ციხის სარეაბილიტაციო სამუშაოების დაწყება. პროექტი 2017 წლის ბოლომდე დასრულდება. 

არქეოლოგიური პროექტების შესარჩევი კონკურსი, პირველად, 2015 წლის ივნისში გამოცხადდა. შედეგად,  კვლევები „წმ. 40 სებასტიელ მოწამეთა“, „შაჰტახტის“, „საჯოგისა“ და „თრელიგორების  ნასახლარის“  მიმდებარე ტერიტორიაზე განხორციელდა. 2016 წლის მარტში გამოცხადებული კონკურსის თანახმად, არქეოლოგიური  სამუშაოები  „შახტახტის დედაციხისა“ და „თრელიგორების ნასახლარის“ მიმდებარედ განახლდა. 

 თბილისის მუნიციპალიტეტის არქეოლოგიურ საბჭო 2015 წლის 9 ივნისს შეიქმნა. საბჭო 14 წევრისგან შედგება და მისი თავმჯდომარე დედაქალაქის მერი დავით ნარმანიაა. არქეოლოგიური საბჭოს მიზანი თბილისის მუნიციპალიტეტის მასშტაბით არქეოლოგიური კვლევების ხელშეწყობა და ტურისტული მარშრუტების გამდიდრებაა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს