დავით ზალკალიანი გაეროს გენერალური მდივნის მოადგილეს შეხვდა

2016-07-19 12:05:45, 610 ნახვა

პოლიტიკა

საგარეო საქმეთა მინისტრის პირველი მოადგილე, დავით ზალკალიანი ქალაქ ნიუ-იორკში, გაეროს გენერალური მდივნის მოადგილეს, აზიისა და წყნარი ოკეანეთისთვის გაეროს ეკონომიკური და სოციალური კომისიის (ESCAP) აღმასრულებელ მდივანს, შამშად ახტარს შეხვდა.

"შეხვედრაზე შამშად ახტარს მიეწოდა ინფორმაცია საქართველოს მიერ მდგრადი განვითარების მიზნების ეროვნულ დონეზე განხორციელების კუთხით დაგეგმილი ნაბიჯების თაობაზე. მინისტრის მოადგილემ ყურადღება გაამახვილა მთავრობის ოთხპუნქტიანი რეფორმების გეგმაზე, რომელიც თავის მხრივ, ხელს შეუწყობს მდგრადი განვითარების ამოცანების ეფექტიან შესრულებას.

შეხვედრის ფარგლებში განხილულ იქნა, ასევე, საქართველოსა და ESCAP-ს შორის არსებული თანამშრომლობის საკითხები, მათ შორის, თანამშრომლობის ის შესაძლო მიმართულებები, რომლებიც ხელს შეუწყობს მდგრადი განვითარების ახალი დღის წესრიგის განხორციელებას",-ნათქვამია საქართველოს საგარეო უწყების მიერ გავრცელებულ ინფორმაციაში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან