საქართველოს პირველმა ლედიმ მაკა ჩიჩუამ  საქართველოს პრეზიდენტის სლოვენიის რესპულიკაში ოფიციალური ვიზიტის ფარგლებში,  ქალაქ ლიუბლიანას ღირსშესანიშნავი ადგილები დაათვალიერა.

პრეზიდენტის ადმინისტრაციის პრესსამსახურის ინფორმაციით, მაკა ჩიჩუა ქალაქის ფუნიკულიორზე მდებარე მე-15  საუკუნეში აგებულ ციხე-სიმაგრეში იმყოფებოდა და ციხე-სიმაგრის ტერიტორიაზე მდებარე სახვითი ხელოვნების გალერეაში, ცნობილი სლოვენიელი მხატვრის ვლადიმერ მაკუცის პერსონალური გამოფენა, სახელწოდებით „ნათელი ცის გასწვრივ" დაათვალიერა.

მათივე ინფორმაციით, გამოფენაზე წარმოდგენილი იყო მხატვრის მიერ 60 წლის განმავლობაში შექმნილი ფერწერული და გრაფიკული ნამუშევრები.

დღესვე, პირველი ლედი ბლედის ტბაზე მდებარე კუნძულზე იმყოფებოდა. მან ისტორიული ტაძარი და სამრეკლო მოინახულა, სადაც ტრადიციული ტკბილეულით - „პოტიცა" გაუმასპინძლდნენ.

საქართველოს პირველ ლედის მასპინძლობას სლოვენიის რესპუბლიკის პრეზიდენტის გენერალური მდივანი ნატაშა კოვაჩი უწევდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს