საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა სოზარ სუბარმა და მინისტრის მოადგილემ გრიგოლ გიორგაძემ შიდა ქართლისა და სამცხე-ჯავახეთის რეგიონში „საქართველოში დაბრუნებულ მიგრანტთა სარეინტეგრაციო დახმარების“ პროგრამის ფარგლებში დაფინანსებული ბიზნეს პროექტები მოინახულეს. 

დევნილთა სამინისტროს ინფორმაციით, ერთი წლის განმავლობაში შესაბამისი სარეინტეგრაციო დახმარება 165 მიგრანტს  გაეწია, მათ შორის შემოსავლის წყაროს გაჩენის მიზნით,  სოციალური პროექტები 52 სამშობლოში დაბრუნებულ საქართველოს მოქალაქეს დაუფინანსდა.

მინისტრმა ქალაქ ხაშურში ხის საამქრო, სასურსათო და საყოფაცხოვრებო მაღაზიები მოინახულა. აღნიშნული ბიზნეს პროექტები  გერმანიიდან, საბერძნეთიდან და რუსეთიდან დაბრუნებულმა მიგრანტებმა, სახელწიფოს დაფინანსების დახმარებით განახორციელეს და დღეს მათი ოჯახების შემოსავლის მთავარ წყაროს წარმოადგენს. 

დევნილთა და განსახლების მინისტრი სოზარ სუბარი და მინისტრის პირველი მოადგილე გრიგოლ გიორგაძე ახალციხეში,  „საქართველოში დაბრუნებულ მიგრანტთა სარეინტეგრაციო დახმარების“ სახელმწიფო პროგრამის ფარგლებში, გამართულ საინფორმაციო შეხვედრასაც დაესწრნენ.

„მსგავსი შეხვედრები მიზნად ისახავს  სარეინტეგრაციო დახმარების პროგრამის შესახებ ადგილობრივი მოსახლეობის ინფორმირებას და მასში ადგილობრივი თვითმმართველობის ორგანოებისა და არასამთავრობო ორგანიზაციების წარმომადგენლები მონაწილეობენ.

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრო 2015 წლიდან, სახელმწიფო ბიუჯეტის დაფინანსებით, სამშობლოში დაბრუნებული საქართველოს მოქალაქეების რეინტეგრაციის მხარდაჭერას ახორციელებს.  2016 წელს დაფინანსება 200 000 ლარით გაიზარდა და ამ ეტაპზე 600 000 ლარს შეადგენს. სამინისტრო აღნიშნული პროგრამის განხორციელებას კვლავ არასამთავრობო ორგანიზაციების მეშვეობით განაგრძობს“, - აცხადებენ სამინისტროში.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს