სართიჭალასა და კაზრეთის საზოგადოებრივ ცენტრებში საქართველოში დაბრუნებულ მიგრანტთა სარეინტეგრაციო პროგრამის შესახებ საინფორმაციო შეხვედრები გაიმართა.

შეხვედრები მიზნად ისახავდა ადგილობრივი მოსახლეობისთვის დეტალური ინფორმაციის მიწოდებას იმ კონკრეტული სერვისებისა და ბენეფიტების შესახებ, რომელსაც დაბრუნებულ მიგრანტებს სხვადასხვა არასამთავრობო ორგანიზაციები სთავაზობენ საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს ფინანსური მხარდაჭერით.

საინფორმაციო შეხვედრებში მონაწილეობა მიიღეს დევნილთა და განსახლების მინისტრის პირველმა მოადგილემ გრიგოლ გიორგაძემ და ქვემო ქართლის გუბერნატორმა პაატა ხიზანიშვილმა.

აღნიშნული ღონისძიებები არასამთავრობო ორგანიზაცია „საზოგადოებრივი დამცველის“ ორგანიზებით ჩატარდა.

საზოგადოებრივი ცენტრების განვითარება საქართველოში იუსტიციის სამინისტროს სახელმწიფო სერვისების განვითარების სააგენტოს ერთ-ერთი ინიციატივაა, რომელიც ევროკავშირის ფინანსური მხარდაჭერით ხორციელდება. საზოგადოებრივი ცენტრების მიზანია მოსახლეობისთვის სახელმწიფო სერვისებზე ხელმისაწვდომობის გაზრდა და სოფლის განვითარებისთვის შესაბამისი გარემოს შექმნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს