„რაც კი გიგი წერეთლის კანდიდატურასთან დაკავშირებით ხდება, არის მაზოხიზმის ნიშნების შემცველი და არის ძალიან სამარცხვინო“,-ამის შესახებ პარლამენტის თავმჯდომარემ დავით უსუფაშვილმა ჟურნალისტებს განუცხადა.

უსუფაშვილმა აღნიშნა, რომ მან სამარცხვინო უწოდა ეუთო-ს საპარალამენტო ასამბლეის თავმჯდომარის არჩევასთან დაკავშირებულ  ამბებს, ხოლო „ქართული ოცნებიდან“ მას მიუთითეს, რომ სწორი არ იყო.

„ეუთო-ს საპარლანებტო ასამბლეის თავმჯდომარის არჩევასთან დაკავშორებით რაც ხდება, მე ვუწოდე სამარცხვინო. მოგვიანებით კოლეგებმა „ქართული ოცნებიდან“ მიმითითეს,  არ იყავი სწორიო. ვაღიარებ, არ ვიყავი სწორი, რადგან რაც დრო გადის, უფრო მივხვდი, რომ ის, რაც ხდება, არის არა მხოლოდ სამარცხვინო, არამედ თავის მომჭრელი,  პოლიტიკური მაზოხიზმის ნიშნების შემცველიც და კიდევ ათასი უბედურება”, - აღნიშნა უსუფაშვილმა.

შეგახსენებთ, ეუთო-ს საპარლამენტო ასამბლეის პრეზიდენტის პოსტზე გიგი წერეთლის კანდიდატურა „ევროპის სახალხო პარტიამ“ წარადგინა. გიგი წერეთელის კანდიდატურას მხარი დაუჭირა საქართველოს პრეზიდენტმა გიორგი მარგველაშვილმაც და  პარტიული კუთვნილების მიუხედავად, იგივე მოუწოდა ეუთოში საქართველოს დელეგატებს. რაც შეეხება საქართველოს საპარლამენტო უმრავლესობას, ისინი წერეთლის კანდიდატურას მხარს არ უჭერენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს