ეუთო-ს საპარალამენტო ასამბლეაში რუსეთის დელეგაციის თავმჯდომარის ნიკოლაი კოვალიოვის განცხადებით, ქართული დელეგაციის მიერ მომზადებული რეზოლუცია „კონფლიქტები საქართველოში“  ღია ანტირუსული დოკუმენტია.

კოვალიოვის განმარტებით, აღნიშნული რეზოლუცია უკიდურესად პოლიტიზირებულია და აფხაზი და ოსი ხალხის ნების იგნორირებას ახდენს.

„რეზოლუციის პროექტი უკიდურესად პოლიტიზირებულია. ეს არის ღია ანტირუსული დოკუმენტი. მასში გამოთქმულია რუსეთის მიმართ უსაფუძვლო პრეტენზიები. საუბარია სამხრეთ ოსეთისა და აფხაზეთის ოკუპაციაზე, მავთულხალრთებსა და ადამიანის უფლებების დარღვევაზე. ჩვენ ამ დოკუმენტს მხარს არ ვუჭერთ, რადგან ის აფხაზი და ოსი ხალხის ნების იგნორირებას ახდენს. მხოლოდ ერთ მაგალითს მოგიყვანთ, რეზოლუციის პროექტში ნათქვამია, რომ ქართველ დევნილებს აფხაზეთში დაბრუნების საშულება არ ეძლევათ, მაშინ როდესაც გალის რაიონში 50 ათასამდე ქართველი დევნილი დაბრუნდა“,-განცხადა კოვალიოვმა.

ცნობისთვის, ეუთო-ს საპარალამენტო ასამბლეის პოლიტიკურ საკითხთა კომიტეტმა ქართული დელეგაციის მიერ მომზადებულ რეზოლუციას „კონფლიქტები საქართველოში“ მხარი დაუჭირა. დოკუმენტი დასამტკიცებლად ხვალინდელ პლენარულ სხდომაზე გავა.

რეზოლუციის პროექტი საქართველოს პარლამენტის თავმჯდომარის დავით უსუფაშვილის მიერ არის მომზადებული.

პროექტი 17 პუნქტისგან შედგება და მასში საუბარია  ქვეყნის ოკუპირებულ ტერიტორიებზე რუსეთის ქმედებებზე.

„ექსპო ჯორჯიაში“ ეუთო-ს  საპარლამენტო ასამბლეის 25-ე ყოველწლიური სესია მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს