"ჩვენ არ გვაქვს იმის დამადასტურებელი ინფორმაცია, რომ ტერაქტი ახმედ ჩატაევის ორგანიზებული იყო" - ამის შესახებ ამერიკის შეერთებული შტატების ელჩმა საქართველოში იან კელიმ სტამბოლის ათათურქის აეროპორტში მომხდარი აფეთქების ორგანიზატორად ახმედ ჩატაევის დასახელების შესახებ ინფორმაციის კომენტირებისას განაცხადა. 

იან კელის განცხადებით, მსგავსი ინფორმაცია მან მედიით შეიტყო, თუმცა ამის დადასტურება ჯერ არ მომხდარა. 

რაც შეეხება ჟურნალისტის კითხვას, შესაძლებელია თუ არა პასუხისმგებლობა საქართველოს ხელისუფლებასაც დაეკისროს, ვინაიდან ახმედ ჩატაევს საპატიმრო სასჯელი 2012 წლის შემდეგ მოეხსნა, ელჩმა აღნიშნა, რომ მხოლოდ ის შეუძლია თქვას, რომ საქართველოს უსაფრთხოების სამსახურებთან ამერიკულ მხარეს ფანტასტიური ურთიერთობა აქვს.

„ერთადერთი რაც შემიძლია გითხრათ არის ის, რომ ჩვენ გვაქვს ძალიან კარგი, ფანტასტიური და სამუშაო ურთიერთობა საქართველოს უსაფრთხოების სამსახურებთან. ძალიან მნიშვნელოვანია, რომ ვინც იბრძვის ტერიტორიზმის წინააღმდეგ, მათ შორის აუცილებლად უნდა მოხდეს ინფორმაციის გაზიარება და გაცვლა. ეს ფაქტი მოხდა 4 წლის წინ და მე არ შემიძლია ახლა შევაფასო ის, თუ რის საფუძველზე მოხდა ჩატაევის გამოშვება“, - განაცხადა იან კელიმ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს