სოფელ ქვემო ნატანების საზოგადოებრივ ცენტრში საქართველოს ფეხბურთის ფედერაციის პრეზიდენტი ლევან კობიაშვილი, დავით მუჯირთან, ალექსანდრე იაშვილთან და ნიკოლოზ ჯღარკავასთან ერთად ადგილობრივ ბავშვთა გუნდებს შეხვდა.

სტუმრებმა ქართული ფეხბურთის განვითარების პერსპექტივაზე და ბავშვთა ფეხბურთის მნიშვნელობაზე ისაუბრეს. შეხვედრის დასრულების შემდეგ ლევან კობიაშვილმა ბავშვებს საჩუქრები გადასცა, ავტოგრაფები დაურიგა და 2018 წლის მსოფლიო ჩემპიონატის შესარჩევ ციკლში საქართველოს ნაკრების პირველ ოფიციალურ მატჩზე დაპატიჟა, რომელიც 5 სექტემბერს დინამო არენაზე, ავსტრიის წინააღმდეგ გაიმართება.

საზოგადოებრივი ცენტრების განვითარება საქართველოში იუსტიციის სამინისტროს სახელმწიფო სერვისების განვითარების სააგენტოს ერთ-ერთი ინიციატივაა, რომელიც ევროკავშირის ფინანსური მხარდაჭერით ხორციელდება. საზოგადოებრივი ცენტრების მიზანია მოსახლეობისთვის სახელმწიფო სერვისებზე ხელმისაწვდომობის გაზრდა და სოფლის განვითარებისთვის შესაბამისი გარემოს შექმნა.

NS

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა