2016-06-29 13:56:56, 639 ნახვა
საზოგადოება
გიორგი მღებრიშვილმა ტერორისტული აქტის გამო, თურქ ხალხს თანადგომა და მხარდაჭერა გამოუცხადა
შინაგან საქმეთა მინისტრმა გიორგი მღებრიშვილმა თურქეთში, სტამბოლის ათათურქის სახელობის საერთაშორისო აეროპორტში მომხდარი ტერორისტული აქტის გამო, თურქ ხალხს თანადგომა და მხარდაჭერა გამოუცხადა:
„შემძრა სტამბოლის ათათურქის სახელობის აეროპორტში მომხდარმა ტრაგედიამ. ტერორიზმი - ესაა უმძიმესი დანაშაული კაცობრიობის წინაშე, რომელსაც მთელი ცივილიზებული სამყარო უნდა დაუპირისპირდეს. საქართველოს შინაგან საქმეთა სამინისტრო თურქ კოლეგებს სრულ თანადგომას უცხადებს ტერორიზმის წინააღმდეგ ბრძოლაში. ჩვენი გულწრფელი სოლიდარობა თურქ ხალხს, დაზარალებულთა და გარდაცვლილთა ოჯახებს, ნათესავებსა და მეგობრებს“,-ნათქვამია გიორგი მღებრიშვილის სამძიმრის წერილში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
