"არც "ნაციონალური მოძრაობა" და არც "ქართული ოცნება", ყოველგვარი არგუმენტის გარეშე არ უჭერს მხარს პრეზიდენტის მიერ წარდგენილ, მაღალი პროფესიული ხარისხის კანდიდატებს," - ამის შესახებ პრეზიდენტის პრესსპიკერმა ეკა მიშველაძემ განაცხადა.

მიშველაძის განცხადებით, "ნაციონალური მოძრაობა" დღეს ცილს სწამებს ადამიანებს, რომელთა ბიოგრაფიაში არანაირი პარტიული კუთვნილება არ იკვეთება.

"ვეხმაურებით, „ნაციონალური მოძრაობის" განცხადებას მოსამართლეობის კანდიდატებთან დაკავშირებით.

პრეზიდენტმა არაერთხელ აღნიშნა, რომ სამწუხაროდ, მას პარალმენტში არ ყავს მოკავშირეები სასამართლო სისტემის განახლებასთან და გაჯანსაღების პროცესთან დაკავშირებით.

„ნაციონალური მოძრაობა", რომელმაც თავის დროზე ხელისუფლებაში ყოფნისას პოლიტიკურ დიქტატს დაუქვემდებარა ხელისუფლების უმნიშვნელოვანესი შტო, დღეს ცილს სწამებს ადამიანებს, რომელთა ბიოგრაფიაში არანაირი პარტიული კუთვნილება არ იკვეთება და შესაძლოა, სწორედ ამიტომაც არც "ნაციონალური მოძრაობა" და არც "ქართული ოცნება", ყოველგვარი არგუმენტის გარეშე არ უჭერს მხარს პრეზიდენტის მიერ წარდგენილ, მაღალი პროფესიული ხარისხის კანდიდატებს.

პრეზიდენტი იმედს გამოთქვამს, რომ ამჯერად მაინც პარლამენტის წევრები კვალიფიციურად მიუდგებიან საკითხს, გაიზიარებენ მიუკერძოებელი სასამართლოს საჭიროებას და მხარს დაუჭერენ წარდგენილ კანდიდატებს," - განაცხადა მიშველაძემ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს