„უნდა დავეთანხმო პრემიერს, რომ ასეთი გადაწყვეტილებები ერთმა თანამდებობის პირმა არ უნდა მიიღოს“,-ასე  გამოეხმაურა საქართველოს პრეზიდენტი, შეირაღებული ძალების მთავარსარდალი, გიორგი მარგველაშვილი თავდაცვის მინისტრის მიერ იმ ბრძანებაზე ხელის მოწერას, რომლითაც თავდაცვის უწყებაში წვევამდელთა სავალდებულო გაწვევა უქმდება.

მარგველაშვილის შეფასებით, ასეთი გადაწყვეტილებები როგორც მთავრობის სხდომაზე, ისე უშიშროების საბჭოს ფორმატში უნდა განიხილებოდეს.

ამასთან, პრეზიდენტი განმარტავს, რომ მთლიანად სამხედრო სამსახურში სავალდებულო გაწვევა გაუქმებული არაა:

„არ არის გაუქმებული არანაირი სავალდებულო სამსახური. არის პოზიცია, რომ არ მოხდეს კვოტის ათვისება თავდაცვის სამინისტროს მხრიდან. უნდა დავეთანხმო პრემიერს, რომ ასეთი გადაწყვეტილებები არ უნდა იყოს მიღებული ერთი თანამდებობის  პირის მიერ, უნდა იყოს განხილული როგორც მთავრობის სხდომაზე, ისე უშიშროების საბჭოში. აქ არ  არის საუბარი გადაწყვეტილების სისწორეზე“,-განაცხადა მარგველაშვილმა.

მისივე თქმით,   ხიდაშელის ამ გადაწყვეტილებასთან დაკავშირებით საქმის კურსში არ ყოფილა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს