გამოძიება უნდა ჩატარდეს არა მხოლოდ იმ საკითხზე მოხდა თუ არა ვანო მერაბიშვილის ციხიდან გაყვანა, არამედ იმაზე, თუ რატომ არ შეასრულა პროკურატურამ კანონით დაკისრებული ცალსახა ვალდებულება, - ამის აფასებს პრეზიდენტის მრჩეველი ადამიანის უფლებების საკითხებში, კახა კოჟორიძე ყოფილი პროკურორის ოთარ ფარცხალაძის განცხადებას, რომელმაც აღნიშნა, რომ მერაბიშვილის ციხიდან გაყვანის ფაქტზე გამოძიება მისი პირადი გადაწყვეტილებით არ დაიწყო.

„პირველ რიგში მინდა გავიმეორო საქართველოს პრეზიდენტის პოზიცია ამ საკითხთან დაკავშირებით. პრეზიდენტის ადმინისტრაციამ რამდენჯერმე გააჟღერა პრეზიდენტის პირადი პოზიცია, რომ სტრასბურგის ამ გადაწყვეტილების კონტექსტში პრეზიდენტი არ განიხილავს ვანო მერაბიშვილის შეწყალების საკითხს და ცხადია, ეს არ ნიშნავს იმას, რომ ეს არ არის მძიმე და დამაზიანებელი გადაწყვეტილება. ჩვენ ამაზე არაერთხელ ვისაუბრეთ. ეს ნამდვილად არის მძიმე გადაწყვეტილება და როგორც ჩვენ ვაცხადებთ, ამას უნდა მოჰყვეს შესაბამისი პოლიტიკური და სამართლებრივი პასუხისმგებლობა კონკრეტული პირების“, - აღნიშნა კოჟორიძემ.

მისივე თქმით, დღევანდელი ხელისუფლების მინისტრებიც საუბრობენ იმაზე, რომ გამოძიება უნდა დაიწყოს

„რა თქმა უნდა ორი აზრი არ იყო იმაში, რომ საქართველოს პრეზიდენტი თავიდან აფიქსირებდა ამ პოზიციას, რომ გამოძიება ჩასატარებელია და ეს ვალდებულება გამომდინარეობდა მაშინ და დღეს მოქმედი კანონმდებლობიდან, რომელშიც პირდაპირ წერია, როდესაც დანაშაულის შემცველი ნიშნების შემცველი ინფორმაცია ვრცელდება, ამაზე პროკურატურამ უნდა მოახდინოს სამართლებრივი რეაგირება. მიმაჩნია, რომ დღეს გამოძიება უნდა ჩატარდეს არა მხოლოდ იმ საკითხზე - მოხდა თუ არა მაშინ მერაბიშვილის გაყვანა, არამედ ასევე იმ საკითხზე, რატომ არ გამოიძია პროკურატურამ, რატომ არ შეასრულა თავის დროზე კანონით დაკისრებული ცალსახა ვალდებულება, რატომ გამოიწვია ამ ვალდებულების შეუსრულებლობამ დღეს სტრასბურგის მხრიდან სახელმწიფო ინტერესებისთვის დამაზიანებელი გადაწყვეტილების მიღება”, - განაცხადა კოჟორიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა

საია: ხოშტარია პოლიტპატიმარია, მისთვის ადეკვატური მკურნალობა უნდა იყოს უზრუნველყოფილი

ოპოზიციონერ ზვიად კუპრავას სასამართლომ 2 წლითა და 6 თვით თავისუფლების აღკვეთა მიუსაჯა

ხოშტარია - არ არსებობს მდგომარეობა, როდესაც რომელიმე „ქოცი“, ბიძინა ივანიშვილით დაწყებული პატარა ზარქუათი დამთავრებული მსხვერპლის როლში დამინახავს