საქართველოს პრეზიდენტის პრეს-სპიკერის ეკატერინე მიშველაძის განცხადებით, გიორგი მარგველაშვილისა და "ნაციონალური მოძრაობის" ერთ-ერთი ლიდერის, გიგა ბოკერიას შეხვედრაში უჩვეულო არაფერია.

მისივე განმარტებით, პოლიტიკური პარტიების ლიდერები და მათი წარმომადგენლები პრეზიდენტთან ძალიან ხშირად დადიან.

„ვისი ინიციატივით ინიშნება ასეთი შეხვედრები, ჩემთვის ნამდვილად არ არის ცნობილი. ეს არ იყო პირველი, ერთადერთი და გამონაკლისი შემთხვევა, შესაბამისად, ამაში უჩვეულოს ვერაფერს ვერ ვხედავ. რაც შეეხება  იმას, თუ რა საკითხები განიხილებოდა, დღევანდელ შეხვედრაზე მე არ ვიყავი, შესაბამისად, ნამდვილად ვერ გეტყვით, რაზე იყო იქ საუბარი. ეს იყო დახურულ კარს მიღმა შეხვედრა, რაც ძალიან ჩვეულებრივი ამბავია პრეზიდენტის ადმინისტრაციაში”, - განაცხადა მიშველაძემ.

ცნობისთვის, აღნიშნული განცხადება მიშველაძემ დღეს გამართულ პრესკონფერენციაზე გააკეთა.

აღსანიშნავია, რომ პრეზიდენტსა და "ნაციონალური მოძრაობის" ერთ-ერთ ლიდერს, გიგა ბოკერიას შორის შეხვედრა დახურულ კარს მიღმა გაიმართა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა