2016-06-09 17:50:13, 726 ნახვა
პოლიტიკა
შვედეთის პარლამენტი საქართველოს ვიზალიბერალიზაციას მხარს უჭერს
შვედეთის პარლამენტი საქართველოსთვის სავიზო რეჟიმის გაუქმებას მხარს უჭერს, - ამის შესახებ Twitter-ის საკუთარ გვერდზე შვედეთის პარლამენტის წევრი კერსტინ ლუნდგრენი წერს.
ლუნდგრენის თქმით, აღნიშნული საკითხი პარლამენტში უკვე განიხილეს.
“ახლახანს შვედეთის პარლამენტში საგარეო საქმეთა მინისტრ ვალსტრომთან ერთად დავაყენე საქართველოს ვიზალიბერალიზაციის საკითხი. შევთანხმდით, რომ ვთქვათ “კი”, - წერს კერსტინ ლუნდგრენი.
ცნობისთვის, საქართველოს ვიზალიბერალიზაციის საკითხს ევროკავშირის შინაგან საქმეთა მინისტრები 10 ივნისს, ლუქსემბურგში განიხილავენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
