თბილისის მერმა დავით ნარმანიამ ტელეკომპანია "იმედის" პირდაპირ ეთერში "პანორამა თბილისის" პროექტზე სოციალურ-ეკონომიკური და ეკოლოგიური თვალსაზრისით ისაუბრა. 

ის პასუხისმგებლობას პროექტის ავტორებთან ერთად იღებს.

„რასაკვირველია, მეც ავიღე ამ პროექტზე პასუხისმგებლობა. ვხელმძღვანელობ იმ უწყებას, რომელმაც ერთ-ერთი თანხმობა გასცა ამ პროექტთან დაკავშირებით. ჯამში კარგად მახსოვს 180-მდე ხის მოჭრაზე იყო საუბარი „პანორამა თბილისის” პროექტთან დაკავშირებით, მაში როცა ინვესტორმა ამავდროულად ვალდებულება აიღო, ათეულობით ათასი ხის დარგვასთან დაკავშირებით. მიმდებარე ტერიტორიაზე იმ სეზონზევე დაიწყეს დარგვის პროცესი. შესაბამისად, ეს პროექტი ეკოლოგიური თვალსაზრისით პრობლემას არ წარმოადგენს, ისევე როგორც პროექტი არ წარმოადგენს პრობლემას გეგმარებითი თვალსაზრისით. ეს არის შეფენილი პროექტი, ქედის იქით მხარეს არის ძირითადი ნაწილი. ქალაქის ვიზუალთან და მის ასე ვთქვათ, დამახინჯებასთან დაკავშირებით, როგორც ამაზე არაერთი ადამიანი აკეთებს აქცენტს, ასეთ რამესთან ადგილი არ გვექნება“, - აღნიშნა ნარმანიამ.

მისი თქმით, "რომელი მერი იქნებოდა წინააღმდეგი ასეთი პროექტის განხორციელების?"

„მსოფლიოს მაგალითებიც რომ ვნახოთ, ან სხვა ქალაქების მერებს ვკითხოთ, რომელი მერი იქნებოდა წინააღმდეგი ასეთი პროექტის განხორციელების?“ - განაცხადა ნარმანიამ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთმა და უკრაინამ მშვიდობიანი მოქალაქეები გაცვალეს

ვენესუელაში მიწისძვრის შედეგად დაღუპულთა რიცხვი 1430-მდე გაიზარდა

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"