ევროკავშირმა საქართველოსთვის, უკრაინისთვის თურქეთისთვის და კოსოვოსთვის სავიზო რეჟიმის გაუქმების შესახებ შეთანხმებაში შესაძლოა, ახალი პუნქტი ჩაამატოს, რაც ევროკავშირის წევრ ქვეყნებს საჭიროების შემთხვევაში, სავიზო რეჟიმის აღდგენის უფლებას მისცემს.

ამის შესახებ გერმნაული გამოცემა Die Welt am Sonntag დიპლომატიურ წყაროებზე დაყრდნობით წერს.

გამოცემის ცნობით, ეს ნიშნავს, რომ  უვიზო რეჟიმი შეუზღუდავი არ იქნება და მისი სწრაფად გაუქმება იქნება შესაძლებელი.

როგორც გამოცემა აღნიშნავს, დამატებით პუნქტთან დაკავშირებით ევროკავშირის წევრებს საბოლოო გადაწყვეტიელბა მიღებული ჯერ არ აქვთ და ამ საკითხის განხილვა 21 აპრილს ლუქსემბურგში საგარეო საქმეთა მინისტრების შეხვედრაზე იგეგმება.

გამოცემა აქვე წერს, რომ თურქეთისთვის უვიზო რეჟიმის მოქმედება ანკარას მიერ მიგრაციული შეთანხმების შესრულებაზე იქნება დამოკიდებული. თურქეთის მიერ ვალდებულების შეუსრულებლობის შემთხვევაში, გამოცემის ცნობით, სავიზო რეჟიმი მალევე აღდგება.

ცნობისთვის, უკრაინასთან ვიზალიბერალიზაციის შეთანხმებაში სავიზო რეჟიმის აღდგენის შესახებ პუნქტის ჩამატების შესახებ რამდენიმე დღის წინ სააგენტო Reuters-იც იტყობინებოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დააკავეს კაცი, რომელმაც მიუსაფარი ძაღლი დაჭრა

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს