პრეზიდენტის ეს განცხადება შექმნილი პოლიტიკური ვითარების ფონზე არაადეკვატურია, - ამის შესახებ "რესპუბლიკელმა" დავით ბერძენიშვილმა განაცხადა.

როგორც ბერძენიშვილმა დღეს ჟუნალისტებს განუცხადა, პრემიერის შეთავაზება გონივრული იყო, მაგრამ პრეზიდენტმა ჩათვალა, რომ არჩევნების შესახებ განკარგულება მაისში უნდა გამოსცეს, რაც ღიმილის მომგვრელია.

„კონტრასიგნაცია ისეთივე პოპულარული ტერმინია, როგორიც იყო კოჰაბიტაცია. კინტრასიგნაცია თუ მაისშიც არ იქნება პრემიერის მხრიდან, მაშინ პრემიერის ფუჭი გასროლა ვის ემუქრება, ვერ გავიგე. პრეზიდენტის ეს განცხადება შექმნილი პოლიტიკური ვითარების ფონზე ადეკვატური არ არის“, - აღნიშნა დავით ბერძენიშვილმა.

დეპუტატის თქმით, მარტში, აპრილში ან თუნდაც მაისში პრეზიდენტის განკარგულების ძალაში შესვლა მედიასაშუალებებს პრობლემებს შეუქმნიდა. მისივე განმარტებით, ეს არ იქნებოდა კარგი საზოგადოებისა და მედიასაშუალებებისთვის, რადგან მხოლოდ არჩევნები არ არის ჩვენი ცხოვრება.

„ფინანსური თვალსაზრისით აპრილში, მაისში,  ივნისში, ივლისში საოლქო საარჩევნო კომისიებში პარტიები დანიშნავდნენ მაღალანაზღაურებად თანამშრომლებს, რომლებსაც საქმე არ ექნებოდათ, ამიტომ ეს დამატებითი ფინანსური ტვირთი იქნებოდა. ბიუჯეტიდან მილიონები უნდა წასულიყო იმ საქმეზე, რომელიც გასაკეთებელი ვერ იქნებოდა“, - განაცხადა დავით  ბერძენიშვილმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს