ფრაქცია "ეროვნული ფორუმი" საპარლამენტო უმრავლესობას ტოვებს

2016-04-04 12:14:39, 478 ნახვა

პოლიტიკა

საპარლამენტო ფრაქცია ”ეროვნულმა ფორუმმა” საპარლამენტო უმრავლესობას დატოვა.

ამის შესახებ დღეს გამართულ საგანგებო ბრიფინგზე პარტიის ლიდერმა კახა შარტავამ განაცხადა.
შარტავას თქმით, "ეროვნულმა ფორუმმა" ყველა ვალდებულება შეასრულა.
”პარტიის პოლიტიკური საბჭო, ფრაქცია და წარმომადგენლები ადგილობრივ თვითმმართველობებში შეუწყობენ ხელს არსებული ხელისუფლების სტაბილურობას მომავალ არჩევნებამდე”, - განაცხადა შარტავამ.

ამასთან როგორც კახა შარტავამ განაცხადა, საპარლამენტო არჩევნებზე პარტიული სიის პირველი ნომერი თავად იქნება. იმის მიუხედავად, რომ მას ამის სურვილი არ ჰქონდა, მაგრამ პარტიამ ასეთი გადაწყვეტილება მიიღო.

ცნობისთვის, გუშინ, პარტიის მიერ გამართულ ყრილობაზე ცნობილი გახდა, რომ ”ეროვნული ფორუმი” კოალიციიდან გადის და არჩევნებში დამოუკიდებლად მიიღებს მონაწილეობას.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან