საქართველოს პრეზიდენტი გიორგი მარგველაშვილი, ვაშინგტონში სამუშაო ვიზიტის ფარგლებში,  „ოლბრაიტ სტოუნ ბრიჯ  ჯგუფის" ხელმძღვანელს და ყოფილ სახელმწიფო  მდივანს მადლენ ოლბრაიტს შეხვდა.

პრეზიდენტის ადმინისტრაციის პრესსამსახურის ინფორმაციით, მხარეებმა შეხვედრაზე საქართველო-ამერიკის ურთიერთობებზე, რეგიონში არსებულ ვითარებაზე, რუსეთისა და უსფრთხოების საკითხებზე და ასევე საქართველოში დაგეგმილ საპარლამენტო არჩევნებზე ისაუბრეს.

როგორც შეხვედრის დასრულების შემდეგ საქართველოს პრეზიდენტის საგარეო ურთიერთობათა მდივანმა თენგიზ ფხალაძემ განაცხადა, ამერიკული მხარე საპარლამენტო არჩევნების საკითხით დაინტერესდა და აღინიშნა, რომ ქვეყანაში დემოკრატიული პროცესების განვითარებისა და დემოკრატიის ხარისხის ამაღლებისათვის მნიშვნელოვანია ის თუ როგორ ვითარებაში გაიმართება არჩევნები, ამიტომ საქართველოს ხელისუფლება ყველაფერს გააკეთებს იმისათვის, რომ არჩევნები თავისუფალ და სამართლიან გარემოში ჩატარდეს.

შეხვდრას ესწრებოდნენ ეროვნული უშიშროების საბჭოს თავმჯდომარე ირინე იმერლიშვილი, პრეზიდენტის საგარეო ურთიერთობათა მდივანი თენგიზ ფხალაძე, საქართველოს ელჩი აშშ-ში არჩილ გეგეშიძე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს

Global Finance-მა BOG 2026 წლის საუკეთესო Sub-Custodian ბანკად დაასახელა ქვეყანაში

კალაძე სკვერში მოზარდის დაზიანებაზე: ყველაფერი ჩემი ბრალია — ეს გინდათ თქვენ

საქართველოს ბანკმა ახალი YouTube პროექტი დაიწყო - უყურე “Creator ჩემპიონატს” არ გაჩერდეს არხზე