გუდაური-კობის მონაკვეთზე ქარბუქის გამო მოძრაობა შეზღუდულია

2016-03-30 16:24:01, 385 ნახვა

პოლიტიკა

საქართველოს გარემოს და ბუნებრივი რესურსების დაცვის სამინისტროს, გარემოს ეროვნული სააგენტოს ცნობით, მცხეთა-სტეფანწმინდა-ლარსის საავტომობილო გზის გუდაური (ფოსტა)-კობის მონაკვეთზე ქარბუქისა და შეზღუდული ხილვადობის გამო, ყველა სახის ავტოტრანსპორტის მოძრაობა აიკრძალა.

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის წარმომადგენლები ძლიერი ქარბუქისა და თოვის მიუხედავად, ჩამოსული ზვავის გაწმენდით სამუშაოებს ახორციელებენ.
საავტომობილო გზების დეპარტამენტის წარმომადგენლები იმედოვნებენ, რომ დღის ბოლოსთვის ავტოტრანსპორტის მოძრაობა აღდგება, თუმცა წმენდის ინტენსივობა კლიმატურ პირობებზეა დამოკიდებული.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან