აბაშიძე-კარასინის შეხვედრა 16 მარტს გაიმართება

2016-03-14 11:20:50, 467 ნახვა

პოლიტიკა

პრემიერის სპეციალური წარმომადგენელი რუსეთთან ურთიერთობის საკითხებში ზურაბ აბაშიძე რუსეთის საგარეო საქმეთა მინისტრის პირველ მოადგილესთან გრიგორი კარასინთან შეხვედრას 16 მარტს გამართავს.

აბაშიძე არ გამორიცხავს, რომ შესაძლოა მოლაპარაკებების დროს განხილული იყოს სოფელ ჯარიაშენში არსებული ვითარებაც, სადაც უკვე მეორე დღეა ოკუპირებული ტერიტორიებიდან გადმოსული შეიარაღებული პირები გზის გაყვანის სამუშაოებს აწარმოებენ.

ამასთან, მისივე თქმით, შეხვედრაზე მხარეები სავაჭრო-ეკონომიკურ საკითხებს, სატრანსპორტო კომუნიკაციებსა და ჰუმანიტარულ პრობლემებს განიხილავენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან