გერმანიაში თავშესაფრის მინიჭების შესახებ საქმის განხილვისას ბერლინის ადმინისტრაციულმა სასამართლომ დაასკვნა, რომ საქართველოს "უსაფრთხო წარმოშობის ქვეყნის" სტატუსის შესახებ სერიოზული ეჭვები არსებობს.

"არსებობს სერიოზული ეჭვები იმაზე, შეესაბამება თუ არა საქართველოს უსაფრთხო წარმოშობის ქვეყნად დასახელება ევროკავშირის კანონმდებლობას". - წერია დასკვნაში. 

ბერლინის სასამართლოს ქართველმა წყვილმა მიმართა, რომლებსაც გერმანიის ხელისუფლებამ პოლიტიკური თავშესაფრის მინიჭებაზე უარი უთხრა, რადგან საქართველოს გერმანია "უსაფრთხო წარმოშობის ქვეყნად" განსაზღვრავს. 

წყვილის თანახმად, ორივე საჯარო სექტორში მუშაობდა და საპროტესტო აქციებში მიიღო მონაწილეობა - ქმარი ამის გამო სამსახურიდან გაათავისუფლეს, ცოლს კი შენიშვნა მისცეს. 

დასკვნაში აღნიშნულია, რომ მართლმსაჯულების ევროპულმა სასამართლომ (CJEU) მოლდოვის შესახებ საქმის განხილვის შედეგად დაასკვნა, რომ ქვეყანა უსაფრთხოდ ვერ გამოცხადდება, თუკი მისი ტერიტორიის რომელიმე უსაფრთხო არ არის. საქართველოს შემთხვევაში სასამართლო ამ მხრივ ყურადღებას ოკუპირებულ აფხაზეთსა და ცხინვალზე ამახვილებს.

გარდა ამისა, დასკვნაში ნათქვამია, რომ საქართველოს სტატუსი, როგორც "უსაფრთხო წარმოშობის ქვეყანა", LGBT პირების პოტენციური დევნის გამოც შეიძლება განიხილებოდეს. 

გერმანულ საინფორმაციო სააგენტოსთან, dpa-სთან საუბრისას ბერლინის სასამართლოს წარმომადგენელმა თქვა, რომ დასკვნის შედეგად ქართველ წყვილს ჯერჯერობით, საბოლოო გადაწყვეტილების მიღებამდე გერმანიაში დარჩენა შეუძლია. 

საქართველომ მოლდოვასთან ერთად "უსაფრთხო წარმოშობის ქვეყნის" სტატუსი 2023 წლის იანვარში აღიდგინა, რადგან ფედერალური მთავრობის თქმით, აღნიშნულ ორ ქვეყანაში მოსახლეობა პოლიტიკური დევნის საფრთხის ქვეშ ძირითადად არ იმყოფება.

გერმანიაში ამ სტატუტის მინიჭება-არმინიჭების მიზანი მიგრაციასთან გამკლავების გამარტივებაა: თუკი თავშესაფრის მაძიებელი პირი უსაფრთხო წარმოშობის ქვეყნიდან არის, მაშინ მისი განაცხადის განხილვის პროცესი უფრო სწრაფად მიმდინარეობს და თავშესაფარზე უარის თქმაც უფრო მარტივად ხდება.

ავტორი: ექსპრესნიუსი,

სოციალური ქსელები

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"

მზადება ახალი თავგადასავლისთვის - თიბისის მობაილბანკში მასშტაბური მარათონი ბრუნდება

უკრაინის უსაფრთხოების სამსახურმა ერთ თვეში მეორე დარტყმა განახორციელა ნავთობის სატუმბი სადგურზე, რომელიც მოსკოვს საწვავს ამარაგებდა