საქართველოს ეროვნული ბოტანიკური ბაღის მიერ გამოცხადებული ფოტო-კონკურსი გრძელდება

2016-03-10 12:33:04, 599 ნახვა

საზოგადოება

საქართველოს ეროვნული ბოტანიკური ბაღის მიერ, სიყვარულის თემაზე ბოტანიკურ ბაღში გადაღებული ფოტოების კონკურსი გრძელდება.
თბილისის მერიის პრესსამსახურის ინფორმაციით, კონკურსში მონაწილეობის მიღება შეუძლია, როგორც მოყვარულ, ასევე პროფესიონალ ფოტოგრაფებს.
მათივე ინფორმაციით, მონაწილეობის მსურველებმა 25 მარტამდე უნდა გამოაგზავნონ ბოტანიკურ ბაღში გადაღებული ფოტოები შემდეგ მისამართზე: marketing@nbgg.ge.
გამარჯვებულთათვის დაწესებულია სხვადასხვა სახის პრიზები.
კონკურსის შესახებ, დამატებითი ინფორმაცია განთავსებულია საქართველოს ეროვნული ბოტანიკური ბაღის ვებ-გვერდზე: http://www.nbgg.ge
გამარჯვებულების დაჯილდოება და საუკეთესო ნამუშევრების გამოფენა გაიმართება 15 აპრილს ბოტანიკური ბაღის ვიზიტორთა ცენტრში.
გამოფენა გაგრძელდება ერთი კვირის განმავლობაში.