მაკა ასათიანი სპეციალურ განცხადებას გაავრცელებს

2016-03-09 12:00:02, 711 ნახვა

საზოგადოება

ტელეკომპანია "მაესტროს" ერთ ერთი მეწილე მაკა ასათიანი დღეს განცხადებას გაავრცელებს.

მისი ადვოკატის გიორგი გვენეტაძის თქმით, განცხადებაში ყურადღება "მაესტროს" შენობაზე გამახვილდება.

ამასთან, როგორც ადვოკატმა აღნიშნა, უახლოეს პერიოდში "მაესტროს" ჯგუფსა და ახალ დირექტორს შორის შეხვედრა გამორიცხულია.

"მაკა ასათიანი ოპიციალური განცხადების გაკეთებას აპირებს, იმ საკითხებზე, რომლებიც ახლა "მაესტროს" მაყურებელს და საზოგადოებას აინტერესებს. ეს განცხადება პირველ რიგში ალბათ, შენობას და შემდგომი იჯარის საკითხებს შეეხება. ამდენად ის თვითონ უპასუხებს კითხვას, აპირებს თუ არა იჯარის გაგრძელებას ბატონ ლევან გაჩეჩილაძეს დირექტორობის პერიოდში", - განაცხადა გიორგი გვენეტაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან