„ევროკავშირმა საქართველოსთან მიმართებით გაცილებით უფრო მკაცრი ნაბიჯები უნდა გადადგას“, – ამის შესახებ ევროპარლამენტარმა მარკეტა გრეგოროვამ „ამერიკის ხმის“ ქართულ რედაქციასთან საუბრისას განაცხადა.

მისი თქმით, მიუხედავად იმისა, რომ ევროპის საბჭოს საპარლამენტო ასამბლეამ ქართული დელეგაციის აკრედიტაცია გაასაჩივრა, ევროკავშირმა უფრო მკაცრი სანქციები უნდა დაუწესოს მათ, ვინც ძალადობას ახორციელებს და არჩევნებს არღვევს.

„ეს იყო სუსტი პოლიტიკური გზავნილი. მე ვიმედოვნებ, რომ ევროკავშირი უფრო მკაცრ ნაბიჯებს გადადგამს, რათა საქართველოს ხელისუფლებაზე მეტი ზეწოლა მოხდეს. აუცილებელია, რომ სანქციები დაუწესდეს მათ, ვინც ძალადობას ახორციელებს და ევროპულ მომავალს ართმევს საქართველოს“, – განაცხადა გრეგოროვამ.

ევროპულმა პოლიტიკოსმა ასევე გააკრიტიკა საქართველოს ხელისუფლება პოლიტპატიმრების საკითხზე. მისი თქმით, ევროპარლამენტში კვლავ აქტიურად მსჯელობენ ოპოზიციურად განწყობილი ჟურნალისტების, ასევე ყოფილი პრეზიდენტის, მიხეილ სააკაშვილის, შესახებ.

„ქართული ოცნება“ ვერ ახერხებს პოლიტპატიმრების მდგომარეობის გაუმჯობესებას. ერთადერთი ოპოზიციონერი ჟურნალისტი, რომელმაც საპატიმრო დატოვა, იყო ნიკა გვარამიაა, რომელიც პრეზიდენტმა სალომე ზურაბიშვილმა შეიწყალა. დანარჩენი პოლიტპატიმრების მდგომარეობა არ გაუმჯობესებულა“, – დასძინა გრეგოროვამ.

მან ასევე გააკრიტიკა საქართველოს პრეზიდენტი სალომე ზურაბიშვილი, რომელმაც, მისი აზრით, ვერ გამოიყენა ევროკავშირის მიერ შექმნილ შესაძლებლობა საქართველოს დემოკრატიული ინსტიტუტების დასაცავად.

„საქართველომ არ უნდა დაკარგოს შანსი, რათა შეინარჩუნოს დემოკრატიული ინსტიტუტები. საქართველო არ არის ბელარუსი, მას აქვს შესაძლებლობა დაიცვას თავისი ევროპული მომავალი“, – აღნიშნა ევროპარლამენტარმა.

გრეგოროვამ კიდევ ერთხელ გამოთქვა შეშფოთება, რომ „ქართული ოცნება“ რუსეთის გავლენის სფეროში გადადის, და აღნიშნა, რომ ევროკავშირმა საქართველოს მხარი უნდა დაუჭიროს, რათა ქვეყანა ევროპული კურსიდან არ გადავიდეს.

„ჩვენ ვხედავთ, რომ „ქართული ოცნება“ მიდის რუსულ მხარეს. საჭიროა მეტი ზეწოლა, რათა მიხვდნენ, რომ ევროპული მომავალი საფრთხის წინაშე დგას“, – განაცხადა მარკეტა გრეგოროვამ.

ავტორი: ექსპრესნიუსი,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა