უნგრეთის პრემიერ-მინისტრმა, ვიქტორ ორბანმა, საქართველოს პარლამენტის თავმჯდომარეს, შალვა პაპუაშვილს, კარმელიტების მონასტერში უმასპინძლა და ბრიუსელთან დავაში საქართველოს მხარდაჭერა კიდევ ერთხელ დაადასტურა. ამის შესახებ ინფორმაციას უნგრეთის მთავრობის პრესსპიკერი, ზოლტან კოვაჩი სოციალურ ქსელში ავრცელებს.

„შეხვედრისას განხილულ იქნა პოლიტიკური თანამშრომლობა, ასევე ეკონომიკური და ენერგეტიკული საკითხები. პრემიერ-მინისტრმა ხაზგასმით აღნიშნა, რომ საქართველოს მშვიდობის მომხრე მთავრობის წინააღმდეგ ბრიუსელისა და ჯორჯ სოროსის ქსელის თავდასხმები უნდა შეწყდეს. მან ასევე განაცხადა, რომ ევროკავშირმა შეწყვიტოს საქართველოს ოპოზიციის დაფინანსება. საქართველო მზად არის ევროკავშირში გაწევრიანებისთვის და მისი მიღება რაც შეიძლება სწრაფად უნდა მოხდეს,“ - წერს კოვაჩი.

გარდა ამისა, ორბანმა ხაზი გაუსვა უნგრულ-ქართული ურთიერთობების მნიშვნელობას, რომელიც საერთო ღირებულებებზე, მათ შორის კულტურულ და ქრისტიანულ მემკვიდრეობაზეა დაფუძნებული. პრემიერ-მინისტრმა ასევე აღნიშნა, რომ უახლოეს წლებში მნიშვნელოვანია საინვესტიციო და საქმიანი ურთიერთობების გაძლიერება და ორმხრივი ვაჭრობის გაფართოება, რათა ეს პოლიტიკური კავშირების სიძლიერეს შეესაბამებოდეს.

ავტორი: ექსპრესნიუსი,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა