2016-03-03 09:34:15, 603 ნახვა
საზოგადოება
დიდ დიღომში საცხოვრებელი კორპუსების სარდაფები დაიტბორა
გამთენიისას დიდ დიღომში, ჰიპერმარკეტ „გუდვილის“ მიმდებარე ტერიტორიაზე წყლის მილი გასკდა.
„რუსთავი 2“-ის იფნორმაციით, წნევა იმდენად მაღალი აღმოჩნდა, რომ წყალმა მიწიდან ამოხეთქა და ახლოს მდებარე საცხოვრებელი კორპუსები დატბორა.
წყლის ნაკადი 12 მეტრს აღწევდა. შემთხვევის შედეგად 4 კორპუსი დაიტბორა. წყალმა გრუნტის მოძრაობა გამოიწვია, რის შედეგადაც 8-10 მანქანა დაზიანდა.
შემთხვევის ადგილზე საავარიო ჯგუფი მუშაობს. შენობებიდან ამოტუმბვითი სამუშაოები უკვე დაწყებულია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
