რა როლს შეითავსებს პრეზიდენტი ზურაბიშვილი მას შემდეგ, რაც მოხდება დე ფაქტო პრეზიდენტის არჩევა, არ ვიცი, მაგრამ ამ საპროტესტო მუხტის პოლიტიკურ პროცესში კონვერტაციისთვის ვფიქრობ, რომ ძალიან მნიშვნელოვანი როლი შეუძლია ითამაშოს,- ამის შესახებ “ერთიანობა - ნაციონალური მოძრაობის” თავმჯდომარემ, თინა ბოკუჩავამ განაცხადა.

როგორც ბოკუჩავამ აღნიშნა, პრეზიდენტის როლთან დაკავშირებით ყველაზე მნიშვნელოვანია თავად სალომე ზურაბიშვილის პოზიცია, რომ ისიც, ისევე, როგორც პოლიტიკური სპექტრი, არ აღიარებს არჩევნების ლეგიტიმურობას.

"პრეზიდენტის როლთან დაკავშირებით ყველაზე მნიშვნელოვანია თავად მისი პოზიცია, რომ ისიც, ისევე, როგორც პოლიტიკური სპექტრი არ აღიარებს, არჩევნების ლეგიტიმურობას. შესაბამისად, არალეგიტიმური არჩევნების შედეგად ფორმირებულ დე ფაქტო პარლამენტს და ამ პარლამენტის მიერ ე.წ. დე ფაქტო არჩეულ პრეზიდენტს და ის რჩება ლეგიტიმურ პრეზიდენტად, თუმცა რა როლს შეითავსებს ის მას შემდეგ, რაც მოხდება დე ფაქტო პრეზიდენტის არჩევა არალეგიტიმური პარლამენტის მიერ, გახდება ის თუ არა, მათ შორის მაკონსოლიდირებელი ფიგურა მთელი ოპოზიციური სპექტრისთვის, როგორც ლეგიტიმურად არჩეული პრეზიდენტი და ერთადერთი სახელმწიფო ინსტიტუტი, რომელსაც გააჩნია ლეგიტიმაცია ქვეყნის შიგნით, ისევე, როგორც ქვეყნის გარეთ, ეს, ბუნებრივია, პრეზიდენტი ზურაბიშვილის გადასაწყვეტია და ამას მოჰყვება შესაბამისი მოქმედებები ოპოზიციიდან, რომელიც დღეს არის ერთიანი როგორც არასდროს, მაგრამ ამ საპროტესტო მუხტის პოლიტიკურ პროცესში კონვერტაციისთვის ვფიქრობ, რომ ძალიან მნიშვნელოვანი როლი შეუძლია, ითამაშოს პრეზიდენტ ზურაბიშვილს",- განაცხადა თინა ბოკუჩავამ.

ავტორი: ექსპრესნიუსი,

სოციალური ქსელები

უკრაინული რაკეტები ამჟამად რუსეთის რეგიონების ნახევარზე მეტს აღწევენ

Bloomberg: რუსეთის უმდიდრესი ადამიანების ქონება წლის დასაწყისიდან 4.82 მილიარდი დოლარით გაიზარდა

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ