2024-12-08 00:45:46, 502 ნახვა

---

წილოსანი - „TV პირველის“ ჟურნალისტსა და ოპერატორზე თავდასხმის უმძიმესი კადრებია - ამას ის გააკეთებდა, ვისაც ძალადობის პროვოცირება სურს

ამას მხოლოდ ის გააკეთებდა, ვისაც აქციების არასწორად წარმართვა და ძალადობის პროვოცირება სურს,- ასე ეხმაურება „ქართული ოცნების“ დეპუტატი ნინო წილოსანი „TV პირველის“ ჟურნალისტ მაკა ჩიხლაძესა და ოპერატორ გიორგი შეწირულზე თავდასხმას. 

როგორც წილოსანი სოციალურ ქსელში წერს, „იმედი აქვს, დამნაშავეს სათანადო პასუხი გაეცემა“.

„TV პირველის“ ჟურნალისტსა და ოპერატორზე თავდასხმის უმძიმესი კადრებია…

ამას მხოლოდ ის გააკეთებდა, ვისაც აქციების არასწორად წარმართვა და ძალადობის პროვოცირება სურს, ვის წისქვილზეც ეს საშინელება ასხამს წყალს…

იმედი მაქვს, გამოძიება დროულად გაგვიზიარებს ინფორმაციას ამ ძალადობის ფაქტზე და დამნაშავეს სათანადო პასუხი გაეცემა“,- წერს წილოსანი.

შეგახსენებთ, დღეს, 8 დეკემბერს თბილისში, ბესიკის ქუჩაზე „TV პირველის“ ჟურნალისტ მაკა ჩიხლაძესა და ოპერატორ გიორგი შეწირულზე თავდასხმა განხორციელდა. ორივე მათგანი მძიმე დაზიანებებით ინგოროყვას კლინიკაშია გადაყვანილი.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი